皇室冰廳 (Closed)

仲記得細細個嗰陣，屋企樓下就係冰室，差唔多每一日朝頭早就會同屋企人一齊喺冰室食早餐，跟住就快靚正咁食完去返學，好方便！🤩今日都專誠嚟到呢間皇室冰室去感受返細個嘅風味先😊餐廳環境依然保持香港獨有嘅冰室風味！簡約但係好乾淨同埋好衛生，呢個係有質素嘅冰室需要有嘅條件😉叫咗呢份皇室公司三文治配薯角，有四份大大件嘅三文治！而且擺盤相當有特色！有三層嘅麵包，有火腿有蛋有芝士有菜，口感非常豐富！基本上一啖擺晒落口嘅話會有種好豐富同埋好有層次感嘅味道🤩🤩薯哥真係比一般嘅薯條好食好多，呢度嘅薯角唔會好熱氣，而且全部都係好粗嘅薯條，食得好過癮🤩之後仲叫咗杯熱奶茶，細細個成日想飲奶茶，但係屋企人都唔俾飲，到大個啲嘅時候因為想扮大人支飲奶茶，到而家就明白原來大人飲奶茶係飲緊嗰種感覺🤩