Lucy's Cup (Closed)

依家夏天日日都30幾度，一出街已經熱到溶，出街買d 野已經全身濕哂， 咁熱天氣最正就係留係屋企嘆冷氣睇電視，我係回家前就係路德圍的 Lucy 's cup 到買左3杯野返去同屋企人share 飲。💟 藍天白雲 ～ 益力多乳酸沙冰, 望落好似天空咁，沙冰打得幼滑，益力多乳酸味，喜歡酸甜的人要叫返杯，因為沙冰真係透心涼。💟 招牌重量級水果茶 ～ 茶底係四季春青烏龍， 呢杯絕對要推薦，茶底配上新鮮水果基本上當下午茶都得，因為超多水果我吸引我的地方係三大片超甜西瓜🥰。💟 朱古力星球 ～ 芝士奶蓋 +朱古力奶+珍珠+寒天qq ，謙謙自己選擇的，見到朱古力奶加咁多野謙謙已經心心眼，吸一口佢就已經話d 寒天qq好得意，珍珠煮得岩岩好，唔會過硬，配朱古力好好飲。