大灰熊廚房 (Under Renovation)

平時屋企好少煮飯，但間中都會想食下啲有住家味道嘅菜式同飲下湯，今次去嘅呢間大灰熊廚房就一次過滿足晒我所有願望❤️餐廳嘅裝修並唔起眼，但感覺乾淨企理，而且價錢合理，我同朋友就叫左幾個家常小菜試下。✨一口椒鹽豆腐椒鹽豆腐係我幾鍾意嘅一樣小食❤️呢度嘅椒鹽豆腐都做得唔錯，外層嘅脆皮唔會太厚，裡面嘅豆腐口感細滑，每啖都非常香口。✨土匪雞翼土匪雞翼最重要嘅就係孜然香，而呢度嘅土匪雞翼就絕對做到😋除左特色嘅孜然香外，雞翼外層仲黏滿左非常惹味嘅炸蒜，熱氣得黎又好好食。✨黑醋里脊我自己最鍾意嘅一道菜🤤黑醋嘅味道控制得恰到好處，食落酸甜度適中。經過油炸嘅里脊肉食落外脆內嫩，非常適合送飯嘅一道菜。✨花膠螺頭雞腳湯係呢度可以飲到非常入味嘅老火湯，而且非常足料，都值得叫黎試下。