馬場洞烤肉專門店 (形點 I) (Closed)

今日落元朗探朋友，順便食埋晚餐先返屋企。今日朋友帶左我去位於Yoho 的「馬場洞烤肉專門店 」食精選2人燒烤套餐。餐廳環境寬敞，以卡位為主、坐得舒適，抽風系統做得好，食完沒有油煙味。一坐低，侍應會先奉上5碟韓式前菜有木耳、泡菜、沙律、蒜芯，海帶，全部都可以無限追加。精選2人燒烤套餐擺盤吸引，牛肉包括菲力牛排、牛膈肌、韓式調味牛肋骨肉、牛肋骨，其中菲力牛排和牛膈肌，牛味濃郁，肉質軟腍，加少鹽肉味更提升，再用上生菜包住一齊食，可以減低油膩感。招牌炸雞新鮮熱辣辣炸起，炸得香脆，肉質Juicy，有埋我至愛既蜜糖芥末醬，非常滋味。烤蝦及雜錦蔬菜蝦有2隻，爽口彈牙，雜錦蔬菜有青紅黃椒、茄子、金菇、洋蔥、薯仔、蘆筍。另外我地亦加配頂級芝士豬肉香腸&韓式焗芝士粟米兩款芝士芝味十足，仲可以拉絲，其中最鍾意韓式芝士粟米，味道就好似細細食粟米波既味道，以種味道好懷念。荔枝梳打&奇異果梳打梳打不算太甜，味道剛剛好。