Video
Read full review
2018-03-11
21 views
去到銅鑼灣四個人去打邊爐，今次去到一間專門食麻辣火鍋嘅鋪頭，餐廳裝修以黑色為主，有神秘嘅感覺。湯底非常有特色，每一款湯底都好想試吓，所以我哋揀咗雙拼湯底都只係＄198，招牌麻辣牛小排鍋拼花雕藥膳醉羊湯，每邊飲一啖湯非常鮮甜，特別係麻辣牛小排鍋，唔算太辣，反而味道好滋味，入面仲有好林嘅羊肉，非常入味。肉類方面分別叫咗手切安格斯牛肉同埋起骨爽脆羊腩片。牛肉嘅賣相非常吸引，見到牛肉表面嘅雪花條紋分布得非常平均，食落去軟綿綿嘅口感，而且非常濃郁嘅牛肉味道，好正！突然間好頸渴，我哋就叫咗一支雪梨海底椰涼茶同埋可樂，除此之外，仲有多款汽水同埋樽裝飲品選擇。當中嘅脆炸午餐肉非常特別，香脆可口嘅外皮食落去入面係軟綿綿嘅口感，是外脆內軟嘅午餐肉。火鍋配料我哋分別叫咗自家製響鈴、桂花蚌珊瑚蚌、秘製手打四寶丸、幼滑鴨血同埋脆魚鯇，仲有陳村粗粉。當中不得不讚就係自家製響鈴，新鮮即叫即炸，只需要放入湯底灼3秒就食得，食落去口感脆口之餘，放入湯底嘅部份仲軟綿綿添，湯底嘅精華仲滲透晒入響鈴入面。最後仲有甜品🍮紅糖冰粉，食落去口感煙煙靭靭，而且唔算太甜，好特別。總括而言，除咗湯底非常滋味之外，其他火鍋配料同樣地新鮮，
去到銅鑼灣四個人去打邊爐，今次去到一間專門食麻辣火鍋嘅鋪頭，餐廳裝修以黑色為主，有神秘嘅感覺。
湯底非常有特色，每一款湯底都好想試吓，所以我哋揀咗雙拼湯底都只係＄198，招牌麻辣牛小排鍋拼花雕藥膳醉羊湯，每邊飲一啖湯非常鮮甜，特別係麻辣牛小排鍋，唔算太辣，反而味道好滋味，入面仲有好林嘅羊肉，非常入味。肉類方面分別叫咗手切安格斯牛肉同埋起骨爽脆羊腩片。
牛肉嘅賣相非常吸引，見到牛肉表面嘅雪花條紋分布得非常平均，食落去軟綿綿嘅口感，而且非常濃郁嘅牛肉味道，好正！
突然間好頸渴，我哋就叫咗一支雪梨海底椰涼茶同埋可樂，除此之外，仲有多款汽水同埋樽裝飲品選擇。
當中嘅脆炸午餐肉非常特別，香脆可口嘅外皮食落去入面係軟綿綿嘅口感，是外脆內軟嘅午餐肉。
火鍋配料我哋分別叫咗自家製響鈴、桂花蚌珊瑚蚌、秘製手打四寶丸、幼滑鴨血同埋脆魚鯇，仲有陳村粗粉。
當中不得不讚就係自家製響鈴，新鮮即叫即炸，只需要放入湯底灼3秒就食得，食落去口感脆口之餘，放入湯底嘅部份仲軟綿綿添，湯底嘅精華仲滲透晒入響鈴入面。
最後仲有甜品🍮紅糖冰粉，食落去口感煙煙靭靭，而且唔算太甜，好特別。總括而言，除咗湯底非常滋味之外，其他火鍋配料同樣地新鮮，一定會再encore再食過。
Post
