張公館

Open Now

Now Closed

🐔 川色麻辣雞軟骨 $138高溫炸至香脆嘅雞軟骨，再用勁多嘅炸蒜、辣椒乾、辣椒粉炒至乾身，係好惹味嘅一道菜，完全係唔覺唔覺咁食哂😄🥢 臘味炒芥蘭 $188唔知點解一到秋冬就好想食臘腸，平時食芥蘭多數都會有浸苦苦地嘅味，但呢度就炒得好翠綠，而家菜頭位置係有細心處理過，所以食物唔會好硬，而係比較爽口🥄 蟹粉海皇炒飯 $298超足料嘅炒飯😋有蝦、帶子、蟹子、蟹粉、菜粒….飯係炒到粒粒分明同乾身，好香好香，而且一啲都唔油膩🥣 羊肚菌松茸竹笙花菇燉湯基本上所有材料都清楚見到，唔好睇佢好似好細盅咁，入邊有齊晒所有材料，大大棵白菜，仲有好厚身嘅竹笙，每啖湯都係精華，重點係冇味精