喜記避風塘炒辣蟹 (利園山道) (Closed)

一直都知道喜記係一間出名食避風塘炒蟹嘅餐廳，今日秋風起真係好想食蟹，同朋友四人同行一齊叫咗個四人套餐，食咗好多個唔同嘅海鮮，主要都有蟹做元素，真係非常滿足。第一道餸係炒蜆，用豉椒炒，啱啱炒好，上枱嘅時候重好大煙。食入口覺得甜甜地，原來因為落左海鮮醬。除左甜之外重試到少少辣，先知道重加埋辣椒醬。成道餸之所以咁香口，除左醬料嘅功勞，蒜蓉同豆豉都功不可沒！豆豉磨碎曬融入d醬度所以睇唔出。食蜆最過癮就係食極都唔飽，食完一隻又一隻。偶然食到幾粒有少少砂，但已經好味到唔理得咁多！只管食呀食。眨下眼就成碟清曬lu。