滋味雞

Open Now

Now Closed

今日突然想屋企開餐食pizza，其他嘅pizza店都冇新意，就食呢間滋味雞！！我係外賣自取的，到步店員細心介紹，又有好多款選擇，單係pizza都有廿款選擇又可以自選材料，選擇多過其他嘅pizza店丫！！最後我嗌左二人餐，先$128，就有一個大批，小食，意粉，飲品！其實三人食都夠飽丫！！厲害丫！！先講個pizza，我嗌左多人嗌嘅“味芝皇牌“，有辣肉腸，牛肉，雞肉，火腿等，仲有大量芝士，我最欣賞係個pizza邊，因為都係有好多料同芝士包住，吾會只係食個pizza邊，好夠料，正！！個意粉我選了感覺較健康嘅“雜菌露荀長通粉“，好似好清新咁，食落果然吾錯，吾會太咸，岩岩好，好多雜菌丫，菇丫咁，食完pizza食呢個長通粉岩岩好！芝士又好夠，哈哈，好正丫！！小食我選了炸雞，正因為“滋味雞“點可以吾食下雞呢，好食丫！！隻雞俾左雞脾同雞胸我，但雞胸食落都好滑，仲好有肉汁，炸雞個皮好脆好香，我覺得好食過其他快餐店個d雞，加上隻雞都幾大隻下，好抵食丫！！我住將軍澳都會送嫁，下次吾洗經過觀塘先有得食啦，好開心！！好食又抵食丫，嚟緊xmas仲有好多優惠，屋企開party call佢送嚟岩晒！