梨滿園韓國料理 (Closed)

香港有好多韓國餐廳，好多都係新正式嘅菜式，好似炸雞、部隊鍋、燒肉等等。但係正宗又傳統嘅韓國餐廳就真係賣少見少，而黎滿園就係香港碩果僅存嘅傳統韓國餐廳。黎滿園除左有傳統菜外，都會有比較新式嘅料理，唔洗驚食唔慣傳統菜。今次重有新嘅芝士拉絲雞放題仼食！韓國壽司。韓國壽司同一般日本壽司唔同，無搭配魚生，反而搭配新鮮青瓜等等，清新感覺可以中和到其他比較濃味料理。拉絲芝士紫菜蛋卷。我個人係非常鐘意係芝士同雞蛋，呢兩樣野配埋就一絕啦。一般人會覺得重口味，好彩入配左紫菜同青瓜，岩所有人口味。韓式拉絲芝士雞。呢樣就係黎滿園比較新式嘅菜，若果驚傳統菜唔岩口味，食呢個最啱啦。另外重叫咗雪濃湯。非常有詩意嘅名，其實係牛肉洋蔥粉絲牛骨湯。煲出黎嘅湯好似雪白咁靚。因為加左胡椒，飲落去除左有濃濃新鮮牛肉味外，仲有少少辛辣刺激感覺。最後，我地叫左凍蜂蜜柚子茶同凍蜂蜜生薑茶做飲品，兩樣都好清新，飲完好舒服。