樂園魚蛋粉

Open Now

Now Closed

星期日晚餐時間周圍都好多人，今晚去左食魚蛋粉，叫左雙拼魚蛋同雲吞粗面，TST地段黎講，呢到既價錢都唔算貴! 粗面好食，唔會太重鹼水味，個湯底都好鐘意，清清地，唔會食完好口乾個種味精湯咁。招牌魚蛋好彈牙，雲吞都幾大粒，感覺上都好足料。另外，呢到有款自家製既黃金墨魚春卷，炸得好香脆，好好食! 重點要講下呢到既辣椒油，好香，又夠辣，原來仲可以單獨買架! 我地仲叫左份魚皮，浸落湯個陣仲會有少少炸炸聲，食落都好香! 油菜今日係菜心，正常發擇，不是苦苦的菜。見到呢到仲有飯，幾特別，有豬手飯，下次ENCORE再黎試下先!