Video
Read full review
2019-09-25
2304 views
或者Holiday Inn 酒店內的Bistro on the Mile 是我接觸過轉換主題最快的餐廳之一。蠔、鮑魚、和牛都做過，而近日又推出以龍蝦作主題的自助餐。既然今次主題是龍蝦，就先挑龍蝦講。鮮龍蝦配芒果莎莎醬芒果莎莎好甜香，而龍蝦肉沾上了，亦變得可口。泰式柚子龍蝦蟹肉沙律口感清新怡人，酸酸地幾開胃。 雜果龍蝦沙律有蜜瓜及哈蜜瓜，與龍蝦肉好合拍，難怪好快就比人消滅了。高湯龍蝦蒸蛋蛋漿滲入了龍蝦汁，多了一分鮮味，食落幾滑溜。龍蝦帶子粒炒飯配料十足，炒得亦乾身，有水準。龍蝦釀大圈意大利粉意大利粉有嚼口，龍蝦肉亦不少，但幾飽下，試過就算。龍蝦海鮮薄餅幾多龍蝦肉，薄餅邊位少少焦香，火喉啱啱好。炒龍蝦鉗不定時推出，炒得好入味，而且啖啖肉，正。龍蝦湯可以任飲，但放心，味道絕不欺場，質感濃稠，每口都是龍蝦的香味。另外，仲有龍蝦卷、龍蝦凍批及龍蝦茴香沙律。生蠔 美國生蠔質數比起數年前是好得多，又係任食。海鮮 波士頓龍蝦refill得幾快，食到尾都仲有，想回本話咁易。仲有長腳蟹爪、藍貝及海蝦，質素都不錯，食得過。刺身有帶子、赤貝、八爪魚、甜蝦、仿鮑、鯛魚、三文魚及吞拿魚。帶子
蠔、鮑魚、和牛都做過，而近日又推出以龍蝦作主題的自助餐。
既然今次主題是龍蝦，就先挑龍蝦講。
鮮龍蝦配芒果莎莎醬
芒果莎莎好甜香，而龍蝦肉沾上了，亦變得可口。
泰式柚子龍蝦蟹肉沙律
口感清新怡人，酸酸地幾開胃。
雜果龍蝦沙律
有蜜瓜及哈蜜瓜，與龍蝦肉好合拍，難怪好快就比人消滅了。
高湯龍蝦蒸蛋
蛋漿滲入了龍蝦汁，多了一分鮮味，食落幾滑溜。
龍蝦帶子粒炒飯
配料十足，炒得亦乾身，有水準。
龍蝦釀大圈意大利粉
意大利粉有嚼口，龍蝦肉亦不少，但幾飽下，試過就算。
龍蝦海鮮薄餅
幾多龍蝦肉，薄餅邊位少少焦香，火喉啱啱好。
炒龍蝦鉗
不定時推出，炒得好入味，而且啖啖肉，正。
龍蝦湯
可以任飲，但放心，味道絕不欺場，質感濃稠，每口都是龍蝦的香味。
另外，仲有龍蝦卷、龍蝦凍批及龍蝦茴香沙律。
生蠔
美國生蠔
質數比起數年前是好得多，又係任食。
海鮮
波士頓龍蝦
refill得幾快，食到尾都仲有，想回本話咁易。
仲有長腳蟹爪、藍貝及海蝦，質素都不錯，食得過。
刺身
有帶子、赤貝、八爪魚、甜蝦、仿鮑、鯛魚、三文魚及吞拿魚。
帶子肥大肉厚、赤貝爽口加埋柔韌既八爪魚，收貨有餘。
Carving Station
燒西冷
第一條燒得出奇地好，就算未到中間位都呈medium rare的生熟度，灑點鹽來提鮮，味道更佳。
其餘一款是燒豬手。
熱葷
蒜蓉粉絲蒸扇貝
每次都食，尤其是粉絲好惹味。
北京填鴨
家陣好多自助餐都有，食落有油香，幾好。
而燒羊扒配薄荷啫喱同香煎牛仔骨，不會煎得過火，肉質緊熟，羊扒蘸點mint jelly會減輕羶味。
加上咸魚炒芥蘭、砵酒焗蠔、洋蔥煙肉炒青豆角、菠菜汁龍利卷、瑞士薯餅、印度烤雞件、印度式菜咖喱及咖哩魚，好多都啱香港人口味。
湯
燉湯是花膠圓肉燉老雞，火喉十足，入口醇厚甘甜，當然要飲多兩碗。
雪耳木瓜雞腳豬肉湯
又係好夠火喉，有家常湯的感覺。
麵檔
有米線及油麵選擇，而湯底是清湯，配料有龍蝦丸、貢丸、豆卜、紅腸及芽菜，但沒有了之前好正既喇沙。
前菜
有扒雜菜黑醋汁、蒜泥白肉、涼拌四季豆、煙三文魚及凍雞肉。
甜品
炒雪糕
好少自助餐有炒雪糕食，有機會當然要試下。
雪糕是哈根大師，有香草、草莓及咖啡味，而且係杯裝，夠衛生。
甜品有白朱古力橄欖油奶凍、橘子啫喱 、青蘋果啫喱、意大利芝士蛋糕、熱帶生果蛋糕、白芝士蛋糕 、咖啡牛奶朱古力撻、Oreo朱古力慕絲、青蘋果蛋糕、芒果熱情果蛋白餅、熱帶水果焦糖蛋糕、豆腐芝士蛋糕、朱古力脆脆蛋糕、朱古力棒棒、海鹽朱古力蛋糕、鮮果忌廉蛋糕、葡撻及紅棗茶。
始終個人喜歡意大利芝士蛋糕，加埋清清地食杯啫喱。
茶及咖啡是任飲。
現凡以匯豐銀行信用卡於9月30日前簽賬即可獲65折優惠及送紅或白酒一杯
星期日至星期四
成人$598 / 長者$478 / 小童$418
星期五及星期六
成人$668 / 長者$534 / 小童$467
近日酒店做緊優惠，連加一都不過$450左右，以家陣求其去快餐店食碟飯都要幾十蚊，仲未計飲品，如果一家慶祝，或者想食好少少，400幾又好合理，難怪近排都幾爆。
Post
