Video
Read full review
2014-02-08
2681 views
同朋友farewell, 提早用wtsapp訂枱, 由於人數較多, 要先比$500訂金。店主先將menu send左比我, 可以揀左野食先, 都幾多dish係要預訂。環境唔錯，昏暗黃燈，幾warm既土耳其feel。地方唔大, 當日除左我地9個，重有一枱6人同4人，已經坐滿成間餐廳。如果唔book左先, 都幾大機會冇位。餐前小食有印尼蝦片，好厚，有Ｄ硬，味道唔錯。牛油果奶昔：幾fresh既牛油果香, 重有未打爛哂既牛油果，奶味有點過重,淡返少少可以令牛油果味更出。有椰糖提供(糖漿同個樽都係凍嫁, 好細心), 唔夠甜可以自己落加多加多：有蝦片，青瓜，蛋，薯仔同菜，食物好普通，精髓係加多加多汁，有Ｄ似沙嗲，比沙嗲甜Ｄ，有花生碎喺入面，好好食 巴東牛肉：招牌菜，老板娘介紹時話會好辣，可以配埋青瓜同蕃茄一齊食，如果真係頂唔順可以比牛奶我地。又冇想像中咁好食同咁辣，個人覺得羊肉串個肉整得好Ｄ。同行朋友覺得有D筋,可以咬下，大讚好好食。免費任食白飯，可以叫 extra 加多加多汁，沙嗲汁同巴東汁送飯。唔知點解另上既巴東汁同牛肉個巴東汁唔同，辣左，濃左，送飯一流！！！香草乳酪雞：相對其他菜式有點失
環境唔錯，昏暗黃燈，幾warm既土耳其feel。地方唔大, 當日除左我地9個，重有一枱6人同4人，已經坐滿成間餐廳。如果唔book左先, 都幾大機會冇位。
餐前小食有印尼蝦片，好厚，有Ｄ硬，味道唔錯。
牛油果奶昔：幾fresh既牛油果香, 重有未打爛哂既牛油果，奶味有點過重,淡返少少可以令牛油果味更出。有椰糖提供(糖漿同個樽都係凍嫁, 好細心), 唔夠甜可以自己落加多加多：有蝦片，青瓜，蛋，薯仔同菜，食物好普通，精髓係加多加多汁，有Ｄ似沙嗲，比沙嗲甜Ｄ，有花生碎喺入面，好好食
巴東牛肉：招牌菜，老板娘介紹時話會好辣，可以配埋青瓜同蕃茄一齊食，如果真係頂唔順可以比牛奶我地。又冇想像中咁好食同咁辣，個人覺得羊肉串個肉整得好Ｄ。同行朋友覺得有D筋,可以咬下，大讚好好食。免費任食白飯，可以叫 extra 加多加多汁，沙嗲汁同巴東汁送飯。唔知點解另上既巴東汁同牛肉個巴東汁唔同，辣左，濃左，送飯一流！！！香草乳酪雞：相對其他菜式有點失色，味道唔錯，但全部都係雞肉粒，好碎，個汁似唔辣同有乳酩味既咖喱
雞肉／羊肉沙嗲：羊肉冇膻味，肉質好好,有咬口得黎唔un。沙嗲醬都好好食牛肉薯球：推介 食唔到牛肉，薯仔好滑，唔知係咪落左粉，黏黏地，炸得好香
五香酥：炸腐皮卷包住豬肉碎，配酸酸地黑醋味既汁，還可以
印尼粟米餅：粟米餅可以有幾特別？以為會好普通，點知... 幾好食喎! 好多原粒粟米, 連埋粉漿炸,好脆,一D都唔油膩, 個粉有Ｄ似健康版煎蠔餅。茄子薯仔：應該係成晚最唔好食既一道菜。極普通既茄子粒同切成片既薯仔，淋D茄汁同乳酪。茄汁味太出，搶哂乳酪味，變成茄汁點茄子同薯仔。
土耳其烤餅：好好食 就咁食已經好香，同其他醬汁一齊食又係另一番風味。好食到叫多一份。每一塊都好薄，份量偏細。黃薑飯：要預訂。$58一碗都幾貴，份量好細。值得一試，Ｄ飯粒粒分明，好濃黃薑味，感覺好新鮮。
梅爾辛紅飯釀烤嫩雞（要預訂）：推介！隻雞先原隻上比我地影相 ，之後再拎返入廚房切開。雞肉好嫩好滑，連雞胸都唔會嚡，而且好入味。可以加乳酪食，都幾特別。飯同黃薑飯好唔同，腍D同濕D，另一種感覺，好好食，好惹味。美中不足係食到最後好鹹。隻雞本來下面係沙律 (係咪所有土耳其沙律都落咁多調味料整到咁咸嫁呢?), 飯吸哂D汁搞到好鹹。見D野食全部都唔大份，我地9個人分，以為會唔夠飽。食到依度已經好飽啦！但幾飽都要試埋個甜品！
本來店主介紹我地預訂班蘭香蕉蛋糕，我又對餐牌上既印尼鮮牛油千層蛋糕同其他甜品有點興趣，結果決定唔訂，到時先算。可惜當日冇土耳其米飯布甸，得芝士雪糕同牛油果雪糕，本來想試既羅望子都冇。下次都係要預訂穩陣D。
芝士雪糕：第一次食芝士味。出乎意料地好食 雪糕好滑，好濃芝士味！好似食緊new york cheese cake既雪糕版。牛油果雪糕：都係咁滑，同芝士比清淡好多。唔係好食到牛油果味，反而奶味濃D，不過大家都話雖然冇牛油果味但好好食。有幾粒都幾大粒既牛油果係入面，真材實料。
最後買左盒土耳其軟糖，開心果味一如店主推介唔係好甜，好多開心果粒。但玫瑰味太甜，實在不敢恭唯。
人手唔係好夠，全店得3個人，有點慢，但服務態度好好，細心介紹唔同既菜式，為我地添左好多次白飯同醬汁。適合對食物有要求又想傾計既gathering。
Post
