嚐•湯雞

Open Now

Now Closed

今日路經元朗幫襯咗呢一間已滋味雞湯湯底做招徠嘅麵店，味道唔錯，最欣賞就係碗麵上枱嘅時候仲係熱辣辣出晒煙。呢個係砂鍋姬松茸螺頭乾貝花菇雞，面就揀咗刀削麵。唔好諗住姬松茸嗰頭乾花個名好勁揪，其實都係切晒粒粒，不過已$77嚟講其實性價比非常高。佢啲雞都幾靚，而且個湯煲出嚟又唔會好油，有一種好滋潤嘅感覺，我最後湯都飲清光。另一碗就叫咗藥膳醉雞刀削麵，醉雞同個刀削麵分開上，醉雞用嘅花雕酒都幾香，佢碗刀削麵個湯底都有啲藥材材料，一啲都唔馬虎。