唇茶 (渣甸街)

Open Now

Now Closed

一間好養生嘅茶飲店😬竟然配料係桃膠😮桃膠糖水就飲得多啦，手調飲品就真係第一次飲🧋原味桃膠鮮奶桃膠鮮奶好吸引呀，睇見都覺得好養生同滋潤，佢有三隻味嘅，另外兩隻係有黑糖，想飲冇咁甜嘅就揀咗原味桃膠鮮奶，叫咗少冰同埋中杯正常甜，鮮奶係真係用明治特濃牛乳沖㗎，真係好足料，桃膠佔咗一半，用飲管到食到嘅，唔會太淋有少少咬口，但又唔會太硬，味道清甜，加埋牛奶一齊飲好好飲，好似飲緊甜品咁，推介🧋月滿花香另外叫咗個手調茶，有桂花、玫瑰、茉莉、烏龍，加埋桃膠，飲都好香嘅茉莉烏龍味，桃膠又係佔咗半杯，加埋茶味，係另外一個嘅味覺下次行過我都會再飲桃膠鮮奶😬😬不過唔好食咁飽先，因為飲完真係幾飽😆