魚樂一番 (Closed)

自從有咗地鐵之後，都未試過去黃埔逛下， 發現黃埔一帶， 真係多咗好多唔同嘅食肆 尤其係黃埔天地百寶坊，以前都未去過。今日經過這間食店，畀佢門口嘅menu吸引住， 裏面大部分都係用花膠做主菜，都幾吸引!天氣開始轉變係時候滋補一下，講真menu價錢真係十分之抵食!先點了一個冬蟲草花響螺燉花膠湯，睇得出真係燉出嚟， 湯渣都融化了，但仍見到厚厚嘅花膠，湯底好清甜!皇袍鮑汁飯， 用荷葉托底，睇落有啲似荷葉飯， 但係食落口好似珍珠米咁，加上章魚肉粒有味飯好開胃!金牌花膠湯麵，海參大大件滑嘟嘟，花膠好厚肉。花膠嫩雞煨麵， 雞肉好嫩滑，花膠都很多，麵底都十分爽口!