大笪地花膠雞

Open Now

Now Closed

呢排返工少左進補，襯今日放工，明日連放四日假，就同老公一齊補補佢。我們叫了花膠雞火鍋，半隻都夠兩個人食，店員叫我們先飲湯，後邊爐。個湯已經奶白色，加上雞油在面就知真材實料，湯頭很鮮甜，滋潤，我們飲了兩碗湯，然後食埋花膠筒，很大隻又充滿膠質，嘴唇都黏黏的。飲完湯就打個邊爐，點少得肥牛，美國肥牛大塊，油脂分佈平均，濃郁的牛味。我們貪得意食埋個芝心牛丸，跟乒乓波一樣大，牛味香濃，入面的芝士食到拉不斷，很有玩味。另外叫了豆品，凍豆腐吸收了雞湯，很嫩很鮮味。豆苗很翠綠鮮嫩，雞油豆苗就甘滾幾滾都一樣很好吃。打邊爐叫幾多食幾多，唔會做成浪費，整體而言，食材真係好新鮮，今日的火鍋真係好滋補又養顏。