尚膳養顏滋補鍋 (Under Renovation)

尚膳養顏滋補鍋係時候捉住冬天嘅尾巴，同屋企人打返個暖粒粒嘅邊爐啦😚唔想太熱氣咁食啲雞煲，於是食呢間滋補鍋，果然有驚喜～呢間店嘅裝潢中國風為主，座位寬闊，以木色為主，亦有屏風作遮擋1.美人鍋藥材味濃，飲落口清甜甘香，不會有好攻鼻嘅苦澀藥材味，但又感受到佢嘅滋補。翻開一睇有超級多圓肉，餐眼干以及杞子等等，仲配有大大隻竹絲雞雞髀。雞肉就算煲咗好耐都唔會霉，高質。2.魚雲鍋藥材方面同美人鍋類似，唔同嘅係配上魚頭及雞殼，雞味同魚味融入湯中，不含味精，滋補～手切牛肉一睇個色澤就知好食啦～脂肪肌肉層次分明，入口鮮嫩，牛味未算太濃但口感取勝，嗦咗湯汁根本唔需要點汁～桂花蚌碌幾秒就食得啦！爽口鮮美，原汁原味～三色滑拼包括墨魚滑，蝦滑以及鯪魚滑。三款都十分出色，感受到手打過嘅特別彈牙有口感🙈🙈