Video
Read full review
2019-03-30
22 views
《老鍋台式火鍋》#食在銅鑼灣 台式#火鍋📍銅鑼灣駱克道491-499號京都廣場2樓【滋陰又養顔的美人鍋💁🏼♀✨】到左某個年紀，連打邊爐都開始着重養生。近年黎台式火鍋店一間接一間咁開，上網搵左搵，見到老鍋銅鑼灣都有兩間分店，一定好熱門。我都唔執輸約埋班姊妹放工黎叫個美人鍋養下顏先。銅鑼灣京都廣場方便易搵，一上地鐵站過對面就到。好彩平日早黎到，唔洗等位。門口位仲有LED電視俾客人放天燈，都幾有創意，星期五六日黎如果要等位，玩下都可以消磨時間。😆______________________________🔸美人鍋上鍋既時候聞到好香，材料都十分豐富。除左烏雞、杞子、南棗，仲有桃膠！女士養顏食多啲真係一流！有粟米一齊保個湯底，非常鮮甜。🔸一品花雕醉雞件醉雞件腌得夠入味，就算烚完之後食都仲有花雕味。雞件厚肉，口感嫩滑。🔸美國特級牛肋肉所謂牛肋肉原來都係薄切咁上，份量夠三四個人食。雪花分佈平均，落湯烚十秒到就食得，好新鮮！🔸餃類拼盤🔸梅菜豬肉丸 及 蝦丸餃類同丸類都中規中矩，梅菜豬肉丸係相對突出既一樣。手打肉丸夠彈牙，同梅菜打在一起更有咬口，口感唔錯。🔸鮮炸響鈴 及 鹹蛋炸魚皮鮮炸響鈴size巨大
📍銅鑼灣駱克道491-499號京都廣場2樓
【滋陰又養顔的美人鍋💁🏼♀✨】
到左某個年紀，連打邊爐都開始着重養生。近年黎台式火鍋店一間接一間咁開，上網搵左搵，見到老鍋銅鑼灣都有兩間分店，一定好熱門。我都唔執輸約埋班姊妹放工黎叫個美人鍋養下顏先。
銅鑼灣京都廣場方便易搵，一上地鐵站過對面就到。好彩平日早黎到，唔洗等位。門口位仲有LED電視俾客人放天燈，都幾有創意，星期五六日黎如果要等位，玩下都可以消磨時間。😆
______________________________
🔸美人鍋
上鍋既時候聞到好香，材料都十分豐富。除左烏雞、杞子、南棗，仲有桃膠！女士養顏食多啲真係一流！有粟米一齊保個湯底，非常鮮甜。
🔸一品花雕醉雞件
醉雞件腌得夠入味，就算烚完之後食都仲有花雕味。雞件厚肉，口感嫩滑。
🔸美國特級牛肋肉
所謂牛肋肉原來都係薄切咁上，份量夠三四個人食。雪花分佈平均，落湯烚十秒到就食得，好新鮮！
🔸餃類拼盤
🔸梅菜豬肉丸 及 蝦丸
餃類同丸類都中規中矩，梅菜豬肉丸係相對突出既一樣。手打肉丸夠彈牙，同梅菜打在一起更有咬口，口感唔錯。
🔸鮮炸響鈴 及 鹹蛋炸魚皮
鮮炸響鈴size巨大，一浸即食。而炸魚皮加上鹹蛋黃一齊炸，夠香之餘，仲好酥脆！就咁食或者浸湯食都好食。
🔸台灣水蓮
之前我未聽過水蓮，朋友就話係台灣火鍋黎講幾common，算係蔬菜既一種。如果唔剪就會好長，所以剪一剪先落會好啲。唔洗烚耐，一陣就得。食落爽爽地就好似食青瓜咁。
🔸寬條麵 及 新竹米粉
食到六成飽再叫少少粉麵，就更飽肚喇。今次唔食烏冬，轉食其他。個人好鐘意寬條麵，口感煙韌有啲似薯粉，形狀似河粉。
🔸烏梅汁
打邊爐首選一定係叫烏梅汁，同酸梅湯味道差不多，下火得黎又夠開胃。
．
環境分數: 8/10
食物分數: 8/10
Post
