番茄師兄 (Closed)

番茄師兄本店喺深水埗，跟住喺元朗同灣仔都開咗分店，今次就去咗元朗嗰間，依度嘅番茄濃湯話係用新鮮騸牯牛骨同埋牛腩熬製嘅依碗係滑一滑，即係新鮮騸牯滑牛及滑蛋，麵類揀咗通粉，貪佢中間空心可以裝到更多番茄湯，大大碗夠飽肚，滑蛋真係好好食，一啲都唔老，表面嘅蛋汁仲未凝固，滑滑蛋汁連埋番茄湯一齊食非常正，如果揀其他款式冇滑蛋嘅話，都值得加配，至於騸牯滑牛就普普通通喇，牛味唔算特別濃，不過牛肉嘅數量都算多，所以整體覺得抵食！