友義氣‧酸菜魚 (小炒打冷)

Open Now

Now Closed

夜媽媽同朋友肚餓去得寶商場覓食呢間朋友推薦好好食，已經想試好耐！去到環境好似去咗茶記咁，不過都乾乾淨淨，坐低叫咗個2人餐，酸菜魚小辣，鮮果咕嚕肉同手撕雞涼拌😆酸菜魚一上好大盤，兩個人真係夠晒飽，魚肉好滑好嫩口，不過下次會叫中辣過癮啲，因為小辣唔係好食到辣味🤣咕嚕肉配菠蘿真係絕配，菠蘿甜甜地都幾開胃，加多配白飯一齊食，真係大滿足！手撕雞涼拌又係我最愛，芝麻醬加埋彈牙涼粉皮一齊食，好快就食嘥一碟。