Asobu Bistro (Closed)

第一次聽說溶岩蛋包飯，收工後便約埋朋友去試下。我點了吉列豬扒溶岩蛋包飯套餐，包小食有沙律和雞翼炸薯角，薯角好正呀，炸到外脆內軟，重點係新鮮炸起，仲熱辣辣㗎🙈雞翼就覺得太甜了。終於主角吉列豬溶岩蛋包飯嚟了，必須要講嘅係呢間嘢的新鮮！搖下個碟，蛋就跟住郁下郁下😂好彈！先撩開鋪在飯上嘅蛋，啲蛋液慢慢滲入啲飯度，一啖蛋包住啲飯，入口即溶😂不愧叫溶岩蛋👍🏻但食到一半就會覺得有點膩😅豬扒不是厚切的，但好在唔會一大舊麵粉，豬扒肉質都幾juicy🙈仲有少少彈牙👍豬扒底下是咖哩汁，咖哩汁是偏甜的，不會辣，這一點就不合我心意了。如果個咖喱汁辣d，會更加加分。套餐半價可以轉特飲，所以我就點了佢熱門野Asobu香橙薄荷特飲，淡淡薄荷香，但橙味都好淡，有一片檸檬，如果檸檬換作橙，我唸會更match。朋友點的是鰻魚溶岩蛋包飯，鰻魚有點腥，味道還不錯。不過整餐落來，就憑它的溶岩蛋，大件夾抵食，味道也不差，都係值得一試！👍