亞婆豆腐花 (Closed)

今日忽然好想食豆腐花，放工就去左大圍「亞婆豆腐花」買碗，門外有唔少客人企係到食緊豆腐花。我叫左個熱豆腐花都幾滑，自己加黃糖或糖水，所以甜道適中。另外仲見到佢有腐乳賣，腐乳有分辣同唔辣, 而且分大中細三種大小，我買左一樽中樽嘅辣腐乳，同買埋支凍芝麻豆漿。豆漿既芝麻味飲落香濃，有啖啖芝麻香味， 如果可以再濃d豆味就更加好。之後去左粥店買左碗白粥返屋企送腐乳，覺得腐乳送白粥好好味。腐乳滑而不軟，唔會過鹹或過辣。