人和荳品廠 (Moved) New Location

去到銅鑼灣行街諗住食個下午茶但係又唔算好肚餓見到人和豆品於是就入去試吓啦佢人氣一向都好高嘅。估唔到已經係下晝五點鐘，餐廳建議係充滿着人客而且人流係滔滔不絕侍應做到踢晒腳。我哋叫咗一碗豆腐花少甜同埋一個魚肉煎豆腐。豆腐花非常之香豆味而且入口即溶非常之滑溜希望食完皮膚都可以好似佢咁滑溜溜魚肉豆腐方面係啱啱新鮮煎起嘅所以非常之香口，我反而認為呢一個豆腐嘅豆味唔算太重但係配上魚肉同埋餐廳特製嘅醬汁食落去都不錯。最後臨走我哋仲買咗支無糖豆漿豆味非常非常非常之濃，飲落去係飲得出冇溝其他化學物質嘅值得一試。