金海閣海鮮火鍋專門店 (Closed)

朋友請打邊爐，來到銅鑼灣食肆雲集的登龍街；呢間金海閣可以說是街內龍頭，因為舖頭竟至少有四間，攪到叉燒搵舖搵到兩頭騰，訂位人仕記住話俾朋友知訂左幾號舖幾號檯，咁就方便好多。呢度大檯欠奉，超過十二人便要留意。講番Ｄ料，就首推呢度Ｄ本地滑牛；滑牛是用來炒牛河那種，與薄薄的那種肥牛不同，又滑又稔，食到唔停得口。另外一定要叫水餃，Ｄ料之強勁實屬難得，裡面的蝦亦很新鮮。Ｄ乜丸物丸夠晒大粒，唔可以錯過。飲野就要叫菊花茶，絕無介紹錯！雖然地方淺窄，但一邊朋友圍埋一齊滾來滾去，真的暖在心裡！