Video
Read full review
2023-11-19
64 views
近排都幾多人介紹呢間位於天后嘅日式小店，店舖位置只有廿多位，繁忙時間要排隊～ 最多人叫係招牌黃金黑豚豬扒丼，數量限定，想食就要早啲去排隊啦！ 呢日比較晏去到，豬扒丼賣晒，咁惟有試吓其他滑蛋丼飯啦🥹🔸日本滑蛋鰻魚丼 $82丼飯即叫即整，附送麵豉湯同前菜～ 滑蛋鰻魚鋪滿飯上面，幾足料，份量都足夠～ 滑蛋加咗洋蔥，幾香甜，滑蛋仲係少少半熟，香滑多汁！鰻魚就正常質素，幾軟腍！🔸日本滑蛋牛丼丼 $72呢款牛肉丼都係好香甜，佢哋個滑蛋煮得啱啱好，唔會過熟，加上洋蔥嘅鮮甜，好啱送飯食！牛肉都幾嫩，唔會柴晒～呢度裝修簡潔，有可愛嘅雞蛋插畫～ 食物都唔錯，夜晚限定嘅壽喜燒好似評價都幾好，幫襯一下小店都幾好😆
近排都幾多人介紹呢間位於天后嘅日式小店，店舖位置只有廿多位，繁忙時間要排隊～ 
最多人叫係招牌黃金黑豚豬扒丼，數量限定，想食就要早啲去排隊啦！ 呢日比較晏去到，豬扒丼賣晒，咁惟有試吓其他滑蛋丼飯啦🥹
🔸日本滑蛋鰻魚丼 $82丼飯即叫即整，附送麵豉湯同前菜～ 滑蛋鰻魚鋪滿飯上面，幾足料，份量都足夠～ 滑蛋加咗洋蔥，幾香甜，滑蛋仲係少少半熟，香滑多汁！鰻魚就正常質素，幾軟腍！
🔸日本滑蛋牛丼丼 $72呢款牛肉丼都係好香甜，佢哋個滑蛋煮得啱啱好，唔會過熟，加上洋蔥嘅鮮甜，好啱送飯食！牛肉都幾嫩，唔會柴晒～
呢度裝修簡潔，有可愛嘅雞蛋插畫～ 食物都唔錯，夜晚限定嘅壽喜燒好似評價都幾好，幫襯一下小店都幾好😆
Post
