東南亞特色美食

Open Now

Now Closed

第一次食呢間 "東南亞特色美食", 叫左一個外賣既滑蛋叉燒飯 $74。滑蛋叉燒飯就好多地方都有做，但質素真係可以差好遠，今日同大家呢下呢間外賣滑蛋既質素如何。一打開個外賣盒，第一個反應就係咁多叉燒🙃🙃真係叉燒多過蛋，好少可，叉燒質地就正常水平，唔太特別，但量取勝。咁滑蛋又做成點呢？ 我覺得係可以收貨既，因為始終外賣關係，外賣時間同埋谷住係個外賣盒，一定會令到個滑蛋無咁滑家啦，但呢個食落都唔錯，所以我覺得堂食應該係唔錯既。最後講一講佢個豉油，佢自稱係自家製既，味道係甜甜地，應該係用普通豉油加糖煮既，無乜特別。