香山家宴 (Closed)

之前試過幾次呢間中山菜，菜式有特色、環境舒適、美味、服務周到。今次同家人特登再嚟食飯，之前大家都好期待嚟食餐中山特色菜，點知嚟到先知菜單改咗做廣東菜，大為失望。我哋點嘅菜式不過不失，味道偏濃味。有好幾樣想點的菜式都冇，最過分係其中一道菜到要就快食完餐飯先話冇，即時O咀。餐廳規模唔係大，你有幾多份食材應該喺客人點菜時搞清楚，唔係到要上菜先話冇。撇除呢幾樣，餐廳服務依然幾好嘅，但我已經決定唔會再幫襯。