Video
5-min walk from Exit C, Wan Chai MTR Station
continue reading
Opening Hours
*Last Order: 14:30/22:30
Mon - Sun
11:30 - 15:00
18:00 - 23:00
Above information is for reference only. Please check details with the restaurant.
之前試過幾次呢間中山菜，菜式有特色、環境舒適、美味、服務周到。今次同家人特登再嚟食飯，之前大家都好期待嚟食餐中山特色菜，點知嚟到先知菜單改咗做廣東菜，大為失望。我哋點嘅菜式不過不失，味道偏濃味。有好幾樣想點的菜式都冇，最過分係其中一道菜到要就快食完餐飯先話冇，即時O咀。餐廳規模唔係大，你有幾多份食材應該喺客人點菜時搞清楚，唔係到要上菜先話冇。撇除呢幾樣，餐廳服務依然幾好嘅，但我已經決定唔會再幫襯。
continue reading
We made a reservation on a Thursday night. Staff are nice and food tastes okay. Food was being served fast impressively. The table utensils are fancy and we sat down comfy. I would say it is a good place for family gathering if you enjoy somewhere quiet.
continue reading
今日同親戚食飯，其中有個親戚非常識飲識食，提議我地去灣仔一間新開的中菜食中山菜。小妺雖然係中山人，不過一直都未有機會返過去，不過一直聽聞中山菜選料廣博🤤🤤集粵菜各地百家之長。今日去的香山家宴位於灣仔，原來大有來頭，喺中山享負盛名，環境非常優雅，喺內地有十多間分店，係間非常有名的餐廳。今次第一間分店開係香港，唔洗去中山就有得食，係灣仔地鐵站C出口行大概5 分鐘就到，鄰近於車行附近，位置比較寧靜。呢度的裝修帶有古色古香的感覺，很有中國色彩，餐廳有三層，地方十分寬敝，我地一行十二人，餐廳幫我地安排左間房比我地。春卷先來一道弛名點心，過程不難卻很費工，春卷皮以兩種不同的材料去製作，所以當咬落春卷的時侯特別鬆脆而且兩種層次的脆皮是美味關鍵，入口非常可口，而春卷的餡料都恰到好處。招牌蟹皇翅比起普通的紅燒翅，蟹皇翅較為甘香可口，湯底亦較為濃郁，彈牙的魚翅加上蟹膏和新鮮拆的蟹肉作烹調，個人認為比紅燒翅更鮮和更好食！魚翅和蟹肉的份量也超多的，絕不欺場！蟹膏的甘甜味，加上鮮甜的蟹肉，食落每一啖都充滿膏香，香甜的美味在口中久久不退！蠔皇扣吉品溏心鮑（16 頭）眾所周知鮑魚要糖心才稱得上為上品；糖心鮑色澤較普通吉品鮑深色，烹煮後呈棕褐色，有濃郁的糖味。經理話呢到的鲍魚炆煮足成個星期，難怪非常入味。鮑魚味甘香濃厚，炆煮得非常軟淋，中心部分呈不凝結的半液體狀態。入口時質感柔軟有韌度，用刀輕輕一切就已經可以切開；中心部分軟淋而黏軟，溏心非常黏刀，每一口咬下去都帶有黏牙的感覺。而醬汁亦非常濃厚，一口鮑魚，一口醬汁，鮮味無窮。 黑松露炒龍蝦🦞平時食開的龍蝦一般都係薑蔥焗或芝士焗，今次黎一個比較新的Fusion食法。原本以為黑松露味道較為濃郁，還擔心會浪費三斤重的新鮮龍蝦！但一濃一淡的味道竟然同清甜爽口的龍蝦意外地夾!黑松露的份量拿捏得恰到好處，唔會太多，並冇蓋過龍蝦的鮮味，反而令整道菜色帶有淡淡的香氣，更能突顯龍蝦的鮮味。芽菜亦炒得非常乾身，吸盡了食材的鮮味！鹽焗雞色澤呈金黃色的鹽焗雞火喉拿捏得非常好！一隻好的鹽焗雞其實係相當難烹調的，由於鹽焗雞係用鹽的熱力代替焗爐，無法調校火候，所以師傅冇返甘上下功力，絕對整唔到咁好食嘅！呢到的鹽焗雞，係已經起好骨，食落啖啖肉，除了有鹽的鹹香味外；特別之處仲多左陣煙熏味，跟坊間的「死鹹」味道截然不同！雞皮夠乾爽帶有微脆的口感，爽脆的雞皮緊緊鎖住內層的肉汁，令肉質依然保持嫩滑，食落夠香夠脆亦夠滑！中山特色點心拼盤必食的點心拼盤，內有金吒、芫茜餅、艾餅、羅白果、雞仔餅。糯米做得唔會太甜，或太膩，其中小妹最鐘意食雞仔餅，餅皮酥脆，每口陣陣的南乳香，內層包裹著不油不膩的冰肉，富有豐富的咸甜香味，非常可口！香煎鱔片+蜜汁煎鱔非常推介呢到的鱔，經理話原來呢到嘅鱔係每日新鮮劏，難怪肉質甘彈牙，肉質唔會腥唔會散，先講個香煎鱔片，煎到金黃色，而裹面肉又唔乾，拾到好處，香同時又肥美，極品!而另一味是蜜汁煎鱔，相對每塊鱔會厚身少少，同樣都係煎過煎到金黃色，不過今次外層配埋香甜嘅蜜汁，兩者配搭更加突顯新鮮鱔肉既鮮甜味。焗魚腸另一道傳統順德菜式焗魚腸，估唔到呢到都有得食，由於清洗魚腸很花時間，而且費工夫，要洗得乾淨先會冇腥味，係香港的酒樓已經差不多絕積。小妹第一次食魚腸，估唔到又幾好食，一D腥味都冇，魚腸食落爽脆，還帶有淡淡魚油的香味，令雞蛋食起來更香軟柔滑，再加埋芫荽的香味，係一道很好下飯的菜式！羊肚菌包羊肚菌係一種很珍貴的菌類，多數生長係3000 尺的高山，味道屬於偏淡，唔需要落太多調味先可以食到佢的香味。呢個包食起來正正唔會太濃味，可以食得出羊肚菌的清香味，輕輕斯開個包，內裡盛有滿滿的羊肚菌，香氣四溢。酸菜魚魚肉是用新鮮桂花魚，魚肉切得很薄，全部去骨。香港人普遍不太能吃辣，湯底適合香港人口味，加了桂花，香味撲鼻，飲了一啖湯，真的不得了，除了帶有魚的鮮還有鮮檸檬的果酸香，入口後非常有層次感，一邊吃魚同埋也忍不住飲湯。小妹亦忍不住加了一碗白飯。魚雲羹呢道經典粵菜來源於順德，味道非常鮮美，而且營養豐富，製作方法相當多功序，而且精細講究，而家已經好少可以食得到。魚雲羹係用上大魚的頭拆骨起肉，羹的稀稠度來得岩岩好，呈潔白色，要做到湯頭白色，要花時間煎香每條魚再慢慢熬制而成，所以魚肉香口並唔會帶有鯹味，每條魚只可以熬煮一碗，骨膠原非常濃厚。每口也可以到魚雲和魚肉，魚湯味道鮮味，加上其他冬菇絲，豆腐絲等配料，湯頭味鮮，魚雲亦香軟嫩滑，係一道又好味又有營養的菜色。菊花水欖甜品的名字聽起來非常優雅，其實係菊花桂花的湯圓糖水，紅豆湯圓軟綿綿，唔會太甜，而內竟然別有洞天，除了了有紅豆蓉外，更加有糖冬瓜和一片小冰肉，小冰肉可以中和甜品的甜味，更可以令口味和味道層次來得更好！而旁邊晶瑩通透的白鴿蛋口感非常特別，蛋白外層呈半透明，質地似啫喱狀，非常滑口，而且營養價值亦非常豐富，係一D比較罕見的食材！
continue reading
今晚我們總共12個地產發展界朋友一起到這間新開的中山菜館食晚飯，推介的是這座大廈的業主代表朋友，因為佢哋全公司同事都好喜歡，今晚點左：1. 中山招牌妙齡鴿（每人半隻）- 我個人覺得冇乜特別2. 蟲草花鮮百合蒸蚌仔 - 鮮甜好味及味道有層次，因為落咗多款料頭，例如開半的蒜子（看來不似炸過，但係應該之前有做過功夫所以好稔而不辣）3. 家宴鹽焗雞 - 雞的品種非常之上乘，味道鮮甜而有香濃的雞鮮味，鹽焗的做法不會太鹹，有美味沙薑的香4. 沙溪砵仔眉豆糕 - 就好像一級的芋頭糕一樣的做法，但是主要材料是眉豆肉茸，這個要很多工序，所以抵食！5. 砵仔焗魚腸 - 一流6. 明哥炒粗齋 - 由於沒有落南乳，食到每樣材料的獨特鮮甜味，其實應該要研究材料的組合，配搭得天衣無縫。7. 小欖菊炸魚球 - 其實是酥炸鯪魚球，只不過靚魚肉特別新鮮，鮮甜，味道很好，可是不夠彈牙，講到做到彈牙，還是銅鑼灣順德漁鮮做得叻！8. 此湯客家豆腐煮津白芯 - 這個菜式的味道跟乳鴿一樣都是很普通，勝在清清地同飽肚。9. 玫瑰花紅豆糕半打 - 味道OK，但係不及沙田會所1號。10. 小欖魚雲羹 - 好食到令人難忘，即使用廉價的大魚頭及肉不多，鮮甜不鯹，有啲材料似蛇羹，配上檸檬葉𢇁，感覺精緻又名貴。免茶！頭盤居然是新鮮的杏脯，很有heart，既健康又從來沒有食過新鮮的杏脯，我食了三粒，覺得沾沾自喜！服務一流！今晚包左VIP房方便傾計的時候可以有私穏，有獨立洗手間，每位消費$470，是絕對值得的！
continue reading
吃中山菜不需專誠走到中山啦~ 因為灣仔開了一間香山家宴, 大部分菜式均是中山菜, 城中少見. 到底中山菜是甚麼口味呢? 是較重口味然而頗有特色! 走進香山家宴, 發現有多間獨立廂房, 私隱度高, 適合朋友聚會之餘亦適合商務聚餐. 個人認為香山家宴不但菜式精緻, 連餐具都非常講究. 就以這套為例, 好有宮廷感! 吃罷清甜的餐前水果, 正式進入當晚菜單. 期待! 涼菜醬蘿蔔, 以陳醋，醬油，辣椒，鹽及糖醃製24小時, 絕對入味, 咬下是乾爽清脆, 微辣吃起來很過癮. 另一款前菜是家宴秘制蒜頭, 這樣吃蒜頭還是第一次, 爽脆帶很濃的蒜香回甘, 或許未必人人能接受, 但嘗試新東西是不錯的. 擺碟像一束花的乾碟煙肉, 脂肪層與肉很分明, 但吃時就不要把脂肪撇去啦~ 反而, 每片煙肉加蔥及油一起吃更滋味, 很咸香. 同樣看起來肥膩然而進口絕不膩的有矖醬蒸土豬五花肉, 惹味濃郁, 咸中帶點, 只因香山家宴以自家製的黃豆醃醬醃, 並先蒸後煮, 所以五花肉入口爽稔. 非常建議小欖菊花炸魚球, 魚球沒有混入太多配料, 但以新鮮鯪魚肉打成魚膠, 所以夠彈牙, 咸味亦夠. 小碟醬汁是蜆蚧醬, 沾些來吃, 充滿傳統風味. 要說到最深刻的, 我會選家宴鹽焗雞, 是手撕雞, 文昌雞果然嫩滑有彈性, 味道超好,伴隨的醬汁根本用不著, 哈哈!! 中山特色點心拼盤是很能表現傳統家鄉風味, 晚市也有供應, 對於這類粿不感陌生, 例如艾餅及芫茜餅, 內含紅豆沙餡, 微甜煙韌. 反而手砌豬肉配南乳餡的金吒就幾特別. 與廣東點心的餃相比, 金吒的皮較厚, 不過皮夠較熟, 整體來說很不錯! 繼續澱粉質 – 拍薑雞蛋炒飯, 薑炒飯其實不是坐月子專享的, 平常吃也能養身. 飯炒得乾身金黃, 粒粒分明, 每一口都充滿老薑及蛋香. 最後, 菊花水欖!很金碧輝煌, 賣相非常搶眼! 水欖其實是一粒超巨的紅豆沙湯丸, 伴著菊花香, 很香甜.
continue reading