麻吉灶咖

Open Now

Now Closed

生日朋友請食飯，好想食台式鴨血，咁岩又有野要係K11 Art Mall 整，所以試下這間餐廳。服務可以，環境可以，可能因為有訂枱所以有卡位坐，仲可以有兩條布扮門，但紫色我唔鐘意。想了很久點二人餐還是散叫，最後想試不同食物，所以散點。我們點了鴨血，蚵仔煎，牛肋面，蚵仔肉燥飯，爆汁魷魚，蘿蔔糕，檸檬愛玉冬瓜茶，手打檸檬愛玉茶。每件都令人失望。鴨血似係水烚加無麻辣味的湯而成，失望。牛肋麵，麵質一般，好粉味，牛肋肉算林，但味道一般，湯好普通，失望。蚵仔煎，嘩真係粉多，味道普通，蚵仔數量一般，個汁似茄汁但又少少咸，唔係我口味，失望。蚵仔肉燥飯，好古怪的配搭，個人唔太喜歡，肉燥味道一般，惟飯是好食，失望。蘿蔔糕，粉太多蘿蔔太少，蘿蔔味唔夠，似食舊粉，不喜歡。爆汁魷魚，沒有汁仲乾乾咁，中間夾青瓜新頴，但不太夾，炸了魷魚無了魷魚鮮味，失望。檸檬愛玉冬瓜茶，檸檬味唔夠，太甜，以為係糖水，好失望。手打檸檬愛玉茶，有檸檬味，沒有糖，不太酸但好淡味，好大杯，唔吸引。整體一般，唔係我想食的台灣菜，好在K11 member 做緊折扣，減100，但都仲五百幾埋單，有點貴。