Terrace in seaside (形點 I)

Open Now

Now Closed

近排成日去元朗，食咗好多間餐廳都好唔錯，今次去食韓式cafe—terrace in seaside 😍最鍾意佢嘅食物味道好賣相又靚，環境又舒服，好relax 。牛面肉蛋包飯，牛嘅份量驚人，唔敢相信呢個飯一個人可以食晒，佢牛肉帶啲牛筋，好易咬好好味，現場會切開個蛋，好正，入面嘅飯唔係用白飯，而係有蕃茄味嘅炒飯，非常有誠意。芝士炒辣雞都好好味，重口味嘅朋友一定會鍾意。入面有好多件雞，肉質嫩滑又夠入味，仲有好多吸晒啲汁嘅雜菜，當然唔少得年糕👍🏻士多啤梨窩夫，極力推介窩夫，唔怕肥嘅朋友一定要試，大大份嘅窩夫加上勁量嘅cream，上面仲有士多啤梨，真係好滿足，兩個人爭住食😆而飲品方面都好多選擇，燕麥奶咖啡都好香，適合對奶敏感嘅朋友仔。而我就飲好特別嘅藍色Aqua Bomb水漾奶昔，貪佢夠靚啱晒打卡😍估唔估到係咩味？原來佢係香蕉奶昔，好好飲，上面仲有一大舊cream，啱晒我。