Abbraccio

前日去左間位於中環既意大利餐廳。餐廳設有室內、室外位置。室內設卡位位置，裝潢骨緻，牆身掛滿壁畫。室外可以望到大館等中環區景色，十分怡人。餐廳主打意大利手工薄餅，無論食物、服務同埋環境都非常滿意！😊😊😊$498 4 courses🐙意式薄切八爪魚冷盤 +$58八爪魚切成薄片，食落爽口彈牙帶有口感。配火箭菜、檸檬、帕爾芝士、蘿蔔、松子、橘子醬，十分清新。原條香草烤爐魚 +$98雖然係烤爐魚，但仍然保留到魚既鮮味同埋水份，口感嫩滑鮮美零腥味。以蕃茄、檸檬、迷迭香、白酒烤製而成，份外鮮味。安格斯牛肉丸手工Pizza手工Pizza係招牌菜式，批邊口感香脆，中間部分既餅底軟糯。意大利水牛芝士，帶點拉絲。手工蕃茄醬·羅勒配安格斯牛肉丸，食落一啲都唔漏，帶小小咸香，口感十足。Affogato將意式特濃咖啡淋落雪糕，感覺好療癒。咖啡香醇，雪糕又夠軟滑，滿足。