古今二 (觀塘工業中心)

Open Now

Now Closed

週六帶媽媽去食日本野，就腳去番本區工廠大廈食最好不過。該店早有聽聞卷物出名，今次一試果真係堅。日式麻醬豆腐沙律 $75大大碗份量十足，新鮮生菜和嫩滑豆腐，配上美味的麻醬當然好食。青龍卷 $98有入口即溶的牛油果蓋面，飯裡有鰻魚和蟹柳，配搭得宜味道清甜，簡單好味。蜘蛛 $85特別的名字熟悉的餡料，青瓜、牛油果、蟹柳、炸軟殼蟹皆見，口感爽脆味道清甜不油膩。黑豚荔枝卷串燒 $38薄薄的豚肉捲住荔枝燒，清甜美味，唔錯。網燒牛舌 $48薄薄的牛舌有六大塊，口感爽彈肉質鬆軟，味道甘香，蘸埋醬汁酸酸地好好食，值得推介。三文魚頭湯鍋 $88見到咁大鍋真大鑊，一鍋夠晒兩人份量，十分足料，鍋裡有手掌咁大的三文魚頭，湯底奶白色味道鮮甜，甜味來自大量紅蘿蔔和娃娃菜，要ＫＯ整鍋不易。