尋味

Open Now

Now Closed

今日同朋友嚟到呢一間大圍田心村非常有人情味嘅餐廳，叫做尋味。我同朋友不嬲都係川味菜嘅愛好者。我哋一嚟就點咗一道酸菜烤清江魚。呢一味酸菜魚做到外脆內軟，魚肉滑嫩。酸菜嘅酸味滲透入魚肉，凸顯出魚肉嘅鮮味。而且仲要大大份、啖啖肉，性價比十分之高。本身酸菜魚已經非常豐富，但我哋都加咗鴨血作為助料。呢碟鴨血入口即化吸收晒湯底，精華豐富咗呢碟酸菜魚嘅層次，而且發現加埋烏冬都好好味，彈牙。我同朋友每人都嗌咗一杯嘢飲。我自己嗌咗蜜桃益力多。蜜桃嘅甜味加埋益力多嘅酸味，飲落口甜而不膩。而我朋友嗌咗杯紅石榴檸檬茶。無論係石榴定係檸檬茶都係酸中帶甜，加上茶底嘅微微甘苦，真係十分開胃！