去滾

Open Now

Now Closed

好耐冇同過屋企人食晏，今日約咗佢去銅鑼灣嘅去滾～～～一入到嚟滿滿嘅香港情懷，霓虹燈招牌、壁畫畫上着旗袍嘅女性、鳥籠等等，好有舊時香港嘅氣氛，好適合打卡📸～～～睇吓餐牌，原來呢度晚市做火鍋，午市做套餐🍴每份湯麵或飯套餐都配有四款涼拌小菜，今次店家提供萵筍片、海帶、木耳同西瓜小片，睇得出係店家精心挑選用作夏日小菜☀️～～～萵筍片好爽口，好開胃；海帶加咗蒜蓉同白芝麻，好適合夏天清熱氣；木耳加咗少少辣油，好惹味；西瓜雖然細塊，但好清甜～～～⭐️牛魔王濃湯麵集牛嘅各大部位於一麵，有牛肚、牛筋、牛腱、牛坑腩，啱晒啲有選擇困難症嘅人～～～牛肚夠軟，牛筋略帶彈牙，牛腱嫩滑唔韌，而且比較厚身，好有口感～～～呢度嘅粗麵相對嚟講，煮得比較腍，但能充分吸收到湯嘅香味～～～⭐️紅燒牛崩砂腩濃湯麵揀咗幼麵，麵條好滑，好吸收到湯底嘅味道～～～牛坑腩雖然相對牛腩脂肪較少，但唔會太靭，而且有好濃郁嘅牛味～～～呢度牛嘅份量好多，食完真係好飽🫠～～～溫馨提示：唔鍾意加芫荽嘅朋友，記得落單前同店員講聲❗️唔好好似我咁，要慢慢挑走啲芫荽🌿🥲