Video
Read full review
2012-07-18
688 views
欠朋友一個人情，聽講近排係黃油蟹季，於是決定請食黃油作回報！實情本小姐的蟹知識只得半桶水，要去揀蟹真係頭都大......好彩唔記得响邊度睇到話永利威會教人揀，又响港島近近地，於是就直搗上環。去到有個哥仔熱心推介，仲認真教我整蟹，原來蒸黃油要先將隻蟹灌醉，想到我將要借醉行兇，就覺得好好笑！如是者，我買埋支花雕（隨後發現原來佢哋係老字號釀酒，失敬失敬！）本想影幾張整蟹過程，可惜我雞手鴨腳顧唔掂啦！講返0個兩隻黃油蟹先，OMG，真係隔左個幾星期，諗返起都仲想食囉我同朋友堅係一邊開蟹，一邊讚美，好漂亮的橙黃橙紅，蟹香令我哋失去理性咁滯有固態有咬口煙韌嘅羔、有軟綿綿好似鵝肝咁嘅羔、仲有傳說中的黃油，啲黃油係走到去蟹爪度咖！成隻蟹都好靚，令我哋好似少女咁吱吱喳喳~同朋友嘆完兩隻蟹，感覺好似重回純真年代咁，因為好食嘅野而興奮莫名，亂噪亂嘩，如果畀隔離屋見到可能以為我哋飲大咗
實情本小姐的蟹知識只得半桶水，要去揀蟹真係頭都大......好彩唔記得响邊度睇到話永利威會教人揀，又响港島近近地，於是就直搗上環。
去到有個哥仔熱心推介，仲認真教我整蟹，原來蒸黃油要先將隻蟹灌醉，想到我將要借醉行兇，就覺得好好笑！如是者，我買埋支花雕（隨後發現原來佢哋係老字號釀酒，失敬失敬！）
本想影幾張整蟹過程，可惜我雞手鴨腳顧唔掂啦！
講返0個兩隻黃油蟹先，OMG，真係隔左個幾星期，諗返起都仲想食囉
我同朋友堅係一邊開蟹，一邊讚美，好漂亮的橙黃橙紅，蟹香令我哋失去理性咁滯
有固態有咬口煙韌嘅羔、有軟綿綿好似鵝肝咁嘅羔、仲有傳說中的黃油，啲黃油係走到去蟹爪度咖！成隻蟹都好靚，令我哋好似少女咁吱吱喳喳~
同朋友嘆完兩隻蟹，感覺好似重回純真年代咁，因為好食嘅野而興奮莫名，亂噪亂嘩，如果畀隔離屋見到可能以為我哋飲大咗
Post
