永利威酒業有限公司

Open Now

Now Closed

今年第二次買大閘蟹🦀返屋企食，始終覺得買返屋企食，又舒服又可以慢慢嘆，質素又高好多。今次幫襯 @永利威既江蘇大閘蟹🦀11月係食蟹公嘅季節，買咗10隻蟹公🦀蟹公漲卜卜爆哂膏 ，蒸熟之後 d白膏爆曬出嚟🤤白膏香噴噴夠哂黏口軟滑，真心好味😋不過我食左3隻就已經好滿足夠哂數🤪蟹公同蟹乸的膏各有各好食😋另外仲有幾舊薑同埋紅糖比你煲薑茶，自己煲好飲過一包包即沖個d,好多，食完🦀飲杯薑茶成個人舒服晒😌

今年第一次嚐試網購大閘蟹，喺HKTVmall 落單，我就係print張單出黎去上環舖頭自取的。 平平地買6隻的話，已經配埋紫蘇葉、薑、糖同食蟹專用醋。以前未試過用紫蘇葉蒸蟹，今次發現蒸起上黎，好香，好鬼正！我日本同江蘇都各買了3隻3-3.5両的蟹公。都相當不錯，幾多蟹膏，雖是佢地最小的size, 但都唔算話好細隻。個蟹醋值得一讚，味道剛剛好，一meet即可用，蟹肉點左之後可以提升鮮味。PS不過第二次買就有一半蟹膏唔係十分之多啦。

趁住大閘蟹季 今次用tap Now係上環永利威買左幾隻係屋企慢慢拆今次分別買左江蘇同北海道既大閘蟹日本大閘蟹 蟹公【5.5-6.2兩】每隻$130日本大閘蟹 蟹乸【4.1-4.6兩】每隻$110 江蘇養殖場大閘蟹 蟹乸【4.1-4.6兩】每隻$95隻隻都爆晒膏🤤🤤日本蟹肉鮮甜 完全無腥味公既膏 好軟滑 黃油味好重江蘇蟹肉比較實d 味道無咁鮮甜 乸既膏呈深橙色 味比較濃d 各有千秋 不過我個人黎講比較鍾意食日本蟹多啲農曆十月啦 把握機會 食蟹公😋😋

抓住大閘蟹季節的尾巴每年九月至十月就是吃大閘蟹的好時候大閘蟹有公乸之分我今年第一次吃蟹碰巧月經來 不宜吃太多所以把quota都給了蟹乸乸的膏像咸蛋黃實的的 不是軟膏狀經過一番的資料搜集後決定到上環的永利威購買買入兩隻江蘇4.5両蟹乸每隻$80雖然只是買兩隻但女店員仍熱心幫我們揀蟹之後送了我們一份蟹醋 薑 和紫蘇葉回家後 放入雪櫃過了一晚 到第二天中午才吃一拿出來 兩隻蟹依然十分生猛！蒸15分鐘後就可以吃了♥️蟹的膏很多且肉質甘甜十分不錯！可以再買~食完蟹記得飲薑茶暖番胃🌞唔好太寒涼呀🌪

又到大閘蟹季節，一班朋友年年都會上來一齊大快朵頤，上年因爲安檢問題已經無食一年。今年就遲左一個月先有得食。仲要係北海道蟹，真係等到頸長，雖然都知道北海道係無咁好食，不過唔理了，食左先講。唔係間間都有正式入口證，上網 check 左先好訂。上團購網買左幾張券，一人三隻。有大有細，不過唔知點解次次同隻蟹仔除左繩都覺得縮左水咁。所以最小買四両起，三両以下係太細了，無啖好食。朋友另外帶左太雕酒來，雖然酒精味幾濃烈，但原來加粒話梅係好易入口，女仔都飲到，而且仲同大閘蟹出奇地夾。選蟹方面，記住九雌十雄，即九月食蟹乸，十月食蟹公，因為佢地係唔同月份發育。蟹膏唔同時候多少唔太。煮起啲膏係又香又滑，送飯定係齋食都一流。不過始終無陽澄湖大閘蟹咁煮，北海道就袋住先啦。

第一次網購永利日本北海道大閘蟹，7xx八隻。其實真係好期待北海道嘅大閘蟹究竟係乜嘢味嘅呢，同唔同中國太湖嗰啲大閘蟹呢！先講蟹膏多少同太湖嗰啲大閘蟹差唔多。蟹膏啲味道冇中國大閘蟹咁濃味和咁creamy。但係都好好味。而大閘蟹肉就和中國大閘蟹冇乜分別。價錢相比就比中國大閘蟹平啲啲。值得一試日本大閘蟹！你可能會覺得日本不會用太多抗生素飼養，放心食 用。

等了又等終於有蟹食！連續幾年都係團購永利威大閘蟹，基本上都冇失望過，所以今年見團購即食第一轉。買左平价同貴价公乸各兩款，今年蟹乸幾十蚊隻已經好多膏，蟹公都唔算少。貴价蟹公D膏就香口好多，一分錢一分貨啦。準備又買第二轉喇。。。

每年10月11月，都是品嚐大閘蟹的最佳時刻。上年試過永利威的大閘蟹以後，今年決定再去買幾隻跟家人一起享用。呀，先說一句，永利威的大閘蟹是太湖大閘蟹來的。我最後買了六隻，三公三乸。吃的時候是農曆九月，大概是蟹乸當造。 買回家搞大龍鳳，生怕被家人責備吧。但其實蒸蟹的過程非常簡單。先煲滾水，再把紫蘇葉放在蟹上再蒸大概二十至廿五分鐘，那就可以了。這樣的，我覺得蒸大閘蟹比起蒸蛋還要容易=3= 由於碟子不夠位置，我最後分開兩次蒸，一次蒸四隻，另一次蒸兩隻。蒸蟹的時間會因應大閘蟹的數量而有所調節。 農曆九月中，大閘蟹未算最最最當造。雖然個人認為蟹膏未算是最多，但其蟹黃依然金黃，蟹乸的膏味道醇厚，蟹公的膏味很滑很甜，入口滿滿的是鮮味。加入赤甜及醋以後，令大閘蟹更是可口。此時要是有一壺花雕在手，整件事將會更完美。不打緊，自家製薑茶也可以。最好的是….醋呀、黃糖、薑呀、紫蘇葉呀，在買蟹的時候，店主會一併過附蟹奉上，沒記錯是買6隻大閘蟹就會送。反正我平時都會買夠六隻，那就一次過啦，順便可以有齊醋呀、黃糖、薑呀、紫蘇葉呀這幾樣必需品，方便之極。下年再買應該都會來這邊再選購的。

又到咗食大閘蟹嘅季節，為食豬都湊下熱鬧買返幾隻蒸嚟食。為食豬經團購買咗3兩至3兩半太湖嘅小蟹小試牛刀，每隻都只係二十幾蚊，好抵食。選購時店員會督吓個蟹殼俾為食豬睇隻蟹嘅眼仔仲識郁，確保係生蟹先會賣。蟹仔拎到返屋企仲郁郁下嘔緊泡。店家會俾張蒸蟹攻略，就算生手如為食豬都可以自己蒸出靚蟹。刷乾淨蟹仔，用紫蘇葉鋪底，蟹蓋向下蒸15分鐘就食得喇!睇吓啲黃油已經走咗出嚟招喚為食豬食佢喇。為食豬買嘅係蟹公，雖然蟹仔細細，蟹黃份量絕不欺場。蟹膏鮮甜，馥郁嘅香氣喺口腔瀰漫，令為食豬回味無窮。作為大配角嘅蟹肉亦唔差，肉質彈牙，甚有鮮甜蟹味。多得呢4隻蟹仔，兩隻為食豬享受住拆蟹嘅樂趣，渡過咗個悠閒下午。

今年到目前為止，吃大閘蟹都只是5隻左右，沒有吃很多，這次永利威的大閘蟹，公乸各兩隻，比較下邊款好味. 吃蟹用的工具，一切準備就緒！蟹公($260/斤)較蟹乸大隻, 但蟹乸卻要$340/斤 .兩者比較，我會選擇食蟹公，因為大隻有肉，肉質鮮甜，蟹黃呈橙色，好香滑；白色透明狀的蟹膏不多，正中下懷！這份是黏在蟹蓋的蟹黃，我還沒有把黏在抓的蟹黃放在一起啊～蟹乸是完全相反，蟹黃是黃色的，蟹膏是橙紅色的硬塊，不是說蟹乸不好吃，只是蟹公更抵食.在永利威買蟹，有香醋、紫蘇葉、薑及黃糖附送，蒸蟹要用紫蘇葉墊在蟹底，隔水蒸15分鐘左右就食得，慣常吃蟹黃不沾醋，今次沾了些少，提昇了蟹黃既香味，由於大閘蟹寒涼食物，無論吃幾多隻，也要飲薑茶去驅寒啊！

中秋後，又到大閘蟹登場既季節，真係先迎月再迎蟹 今年江蘇附近天氣反常變化落差較大，不論陽澄湖定係太湖都遲左開湖同上巿 產量相對返往年係少左所以價格都有水位上升 大蟹就升 不過中蟹即係四五両就抵食左 因為成長時間就岩岩好到左 影響比較少 上環永利威 食左好多年 -貨真價實 作為港島人 無理由唔識佢呱?! 有大有細 唔同重量任君選擇大閘蟹係食膏 大小其實未必係最重要 蟹姆當造時間 價錢會比蟹公高 十月中 就係食大閘蟹最黃金時間 揀蟹我就等佢地幫我揀 我年年都無信錯次次都食得好開心今次買4隻 同屋企人分享隻隻都有成隻手掌咁大 絕對唔細隻架 佢舖頭入面仲有好多陳年佳釀中國酒不外乎 花鵰，五加皮，玫瑰露酒主要賣花鵰 有十年至三十年不等其實食蟹飲花鵰真係好高享受 又可以驅寒 你買蟹 佢送配料比你返屋企無需擔心話唔知點整柴蘇葉，黃糖，生薑同埋黑香醋柴蘇葉墊底蒸可以令蟹味同葉味混和 更香更美味生薑黃糖煲茶可以驅寒止咳，如果有少少咳不妨一飲香醋唔洗講 不過永利威我食開都唔落醋 點解?! 因為...... 唔洗擔心 隨蟹附上教學包你食得放心又開心 眼仔碌碌仲識郁 係好新鮮既 真係成隻手咁大隻 拎落絕對係重

雖然對大閘蟹未去到狂熱的程度，但在十月份，不吃過就像欠了些甚麼似的!  看到朋友的分享， 知道上環永利威的大閘蟹蠻不錯， 大隻又多膏，勁吸引囉！ 我喜歡一邊喝著花雕一邊吃大閘蟹，這裡也有售賣花雕酒啊﹗陽澄湖大閘蟹的價錢豐儉由人，真係平有平吃，貴有貴吃﹗吃大閘蟹再不是甚麼富貴人家專享了﹗要了二公二乸， 藍白色繩的是乸， 體形比蟹公較細隻。公: $260/斤,  乸: $340/斤背向下肚向上，隔水蒸3分鐘就食得了! 剪左繩都分辨得到， 尖肚是公，圓肚是乸。預備好醋，煲好薑茶，就準備食囉! 蟹乸的有黃/橙/黑色蟹膏，黑色的口感像啫喱般，橙色的好甘香， 肉質較爽身，口感俐落!蟹公的有金黃色蟹膏，最喜歡這種質感了，非常滑溜，蟹肉位置又黏口， 蟹味亦較突出!按「九月臍圓十月尖」的說法，農曆九月吃蟹乸較好，但個人較喜歡蟹公那 黏口軟滑的口感與味道。

作為一個海鮮迷, 蟹的鮮甜真是令人想起也流口水。雖然我不算蟹膏的瘋狂愛好者, 但到了十月還是吃大閘蟹的好月份。農曆九月的雌蟹與十月的雄蟹，是最美味的。因為這段時間是大閘蟹的快速生長期，養份大量積存於肝臟，到了性腺發育期又轉移至性腺，故十月開始，蟹黃減少，蟹膏增多。雌蟹因肩負繁衍後代的責任，需更多能量，肝的養份迅速轉移至性腺，故農曆九月時，雌蟹便已很「美味」。所以，九雌十雄的說法，是蟹黃與蟹膏此消彼長關係而形成的最佳進食時機。這次就到了同事推介上環的永利威, 帶了兩公兩乸來自陽澄湖的無腸公子回娘家一起吃。這間老字號在上環已有百多年的歷史, 內有不同大小的大閘蟹和相關產品選購。雖然我不好杯中物, 但聽聞配花雕酒佐餐能令滋味更上一層樓。看蟹肚雖然可知尖的是公, 圓的是乸。不過店家一早已用繩分色紥好, 藍白色繩的是蟹乸， 而公的體型則較大。店家還很細心提醒要背向下肚向上，隔水蒸15分鐘就可以開餐了。因為大閘蟹是較"寒涼"之物, 店家更貼心的提供了醋, 黑糖, 姜和紫蘇葉。方便我等好吃的現代人在家也可以好好享受大閘蟹的甘香。蒸了的蟹較為橙黃色, 無論顏色和香味都很誘人呢~將隻蟹公打開, 大量金黃

除了買大閘蟹之外，還搭單買了一支醋， 另外買了薑、紫蘇葉跟黃糖。 首先是煲水（很簡單是不是），在煲水過程中就可以 拿起牙刷刷乾淨蟹身 刷完之後這時候水應該滾起了， 放一兩片紫蘇葉在沸水裡，順道把四五片也放在大閘蟹上然後拿去蒸20分鐘，肚子記得朝上才不會流油。 在蒸的過程中可不是閒著的，可以開始動手弄薑茶和蘸醬。 辛辣的生薑可以解大閘蟹的寒涼，所以我們可以在蘸蟹的醋 裡面加入薑粒，再用黃糖調味一下，份量什麼都是隨意就好， 當然醋的份量要蓋過薑粒才可以蘸得到。 再來就是伴喝的薑茶，其實就好像平常生理期喝的黑糖薑茶， 做法也是很簡單，就在開滾水裡面放進數片的生薑， 再加入黃糖煮個五分鐘就完成了，喝起來很暖胃，不錯喝。 做完這些功夫之後，蟹可以出爐了。 取出來剪掉綁繩，順道把蟹子的爪跟鉀子也剪開 接下來就可以開蓋子，一打開金黃肥膏登場。 公的的蟹肉非常鮮甜，加上油脂極豐富的蟹黃， 後悔買得少了，起碼每人要吃個四五隻才夠喉； 母的蟹黃嚼頭十足，每一口也充滿濃郁馥香， 更是每口也是飽滿蟹肉，現在來碗白飯就更完美。

俗語有云：「秋風起，三蛇肥。」秋冬天時節，很多人都喜歡吃蛇肉補身的食品， 但 BeautySearch 聽到蛇便怕怕。當然，入秋不一定要吃蛇，作為蟹迷，BeautySearch 要把握入秋大閘蟹出籠的好時機，好好品嚐爆膏大閘蟹。 早前，與朋友來到上環吃飯，而上環一向也聚集了不少售賣大閘蟹的店子，去年，BeautySearch 品嚐過上環永樂街《永利威》的大閘蟹，至今念念不忘，所以難得來到上環，當然要買番幾隻回家享用。 香港物價高漲，大閘蟹也不例外，與去年相比，似乎漲價了一點點... 不過，大閘蟹以體積及來源地來定價，其實也難以比較。 一年中只有這時期的大閘蟹最多膏，如此甘香味美，花點錢也是值得的。 BeautySearch 一向偏好吃公，原先打算只購買公的，後來，老闆介紹這批的蟹乸的膏很靚，既似蛋黃的結實，又有蟹公的爆膏效果，聽落十分吸引，於是，便決定蟹公蟹乸各買兩隻來嚐嚐。 老闆很細心，怕我忘了怎樣蒸蟹，還給我有關製作簡介呢！ 店舖還有香醋、紫蘇葉、黃糖，以及細細舊薑提供，對於 BeautySearch 這無飯主婦來說，就更為方便，實在太體貼了。除了吃大閘蟹時蘸點香醋提升鮮味，還可把