Video
Read full review
2019-10-27
2662 views
喺香港冇咩玩，週末除咗行吓山，仲有一家人去食自助餐。大家都知道香港最近咩環境所以好多酒店buffet都做特價，呢間自助餐之前屋企人嚟過話好多嘢食又抵食，所以決定今個星期日下晝就嘆返個lunch。Lunch時段係12點到2點半，11點九我哋已經到齊啦，但係要啲廚師準備好先入得我哋俾人安排左坐最近攞嘢食嗰張枱，開頭仲以為啲人行嚟行去會覺得好唔舒服，坐落咗發現其實都唔係，因為同攞嘢食嘅地方其實都有段距離。一開波梗係食個沙律先啦，返香港之後都冇食過SALAMI，今日都係要破戒啦！午餐嘅選擇比晚餐少，但係已經夠食到飽飽。雖然冇生蠔，但係炸蠔，小龍蝦，長腳蟹，蝦，青口，都係無限量供應仲好新鮮，爭咁隻蠔都冇乜嘢姐。壽司俾人清得好快，想影相都係剩返幾舊咋。呢度啲蕎麥面都幾值得推介，有烏冬同埋蕎麥面俾你揀，仲有唔同嘅toppings，有芝麻醬、芝麻、蟹柳、蔥同埋蛋絲。中式菜嗰邊有中式點心，咖喱魚蛋，羊肉，炒麵等等。最令人深刻就係呢個小炒王，仲好食過我樓下間酒樓啊。飯後就梗係要食甜品啦！呢度啲甜品多不勝數，雪糕仲喺Häagen-Dazs，有雲呢拿朱古力同埋曲奇味！仲有各式各樣嘅蛋糕仔添！之後仲有生果，有菠
Lunch時段係12點到2點半，11點九我哋已經到齊啦，但係要啲廚師準備好先入得
我哋俾人安排左坐最近攞嘢食嗰張枱，開頭仲以為啲人行嚟行去會覺得好唔舒服，坐落咗發現其實都唔係，因為同攞嘢食嘅地方其實都有段距離。
一開波梗係食個沙律先啦，返香港之後都冇食過SALAMI，今日都係要破戒啦！
午餐嘅選擇比晚餐少，但係已經夠食到飽飽。雖然冇生蠔，但係炸蠔，小龍蝦，長腳蟹，蝦，青口，都係無限量供應仲好新鮮，爭咁隻蠔都冇乜嘢姐。
壽司俾人清得好快，想影相都係剩返幾舊咋。
呢度啲蕎麥面都幾值得推介，有烏冬同埋蕎麥面俾你揀，仲有唔同嘅toppings，有芝麻醬、芝麻、蟹柳、蔥同埋蛋絲。
中式菜嗰邊有中式點心，咖喱魚蛋，羊肉，炒麵等等。最令人深刻就係呢個小炒王，仲好食過我樓下間酒樓啊。
飯後就梗係要食甜品啦！呢度啲甜品多不勝數，雪糕仲喺Häagen-Dazs，有雲呢拿朱古力同埋曲奇味！仲有各式各樣嘅蛋糕仔添！
之後仲有生果，有菠蘿西瓜同蜜瓜。菠蘿好抵讚非常之甜！又有紅豆沙，真係食到個肚脹卜卜先走呀！啲湯都好抵讚，有蟲草花同埋洋蔥湯，中式西式任你揀！提提你蟲草花真係好搶手架，唔記得咗拎嘅話行埋去就整返蟲草渣。
呢度啲服務又係一流，走嗰時仲同我地講多謝哂慢慢行添。喺香港已經好耐冇試過有啲咁好嘅服務態度，今日嘅下午非常愉快！
Post
