金船長餐廳 (Closed)

今晚約了朋友在大角咀見面，須便食埋晚飯，沒有到大角咀一段長時間，這裡原來多了很多餐廳，好不容易才選了這間西餐廳--金船長餐廳，食完覺得這店很值得讚，無論是食物水準、店員服務水平、餐廳環境都令我留下很好的印象。其實這裡環境好有氣氛，情調一流，雖然餐廳已開業多年，但內裡保持新淨，坐得很寫意自在。睇完餐牌，便點了兩個set dinner,是 美國豬鞍扒( 12安士）和燒紐西蘭羊架配香草燒汁，有湯有飲品，才不過$188，西餐來說真係算平。正！豬鞍我跟意大利粉，塊豬鞍真係大得有點誇張，差不多兩隻手掌咁大，而肉質嫩滑軟韌,好像食嫩滑牛般， 肉鮮味濃， 脂肪分佈平均，咬落入口好滑。加上豬鞍煮得啱啱熟，而肉汁多，食每一啖都感鬆軟無比，好正。而另一個燒紐西蘭羊架配香草燒汁也美味嫩滑，完全沒有半點酥味，八成熟外脆肉滑，味道濃，而跟餐薯菜也燒烤過，特別惹味。餐湯也很有水準， 忌廉蘑菇湯 ，湯裏有粟米，飲起來特別香滑。飲品叫了熱可樂加薑和熱朱古力，為這餐畫上滿足句號。