皇后冰室

Open Now

Now Closed

又係星期一，又係冇帶飯，於是上OpenRice搵吓附近有咩食，但係要平嘅..結果唔小心，我就見到呢間茶餐廳有啲焗飯意粉。我揀咗個$68嘅忌廉白汁三文魚焗意粉仲要加咗凍檸茶（凍飲加$3），落樓$71。食物質素唔錯嘅，份量都叫做OK；嗰碗白湯我都有驚喜。唯獨因為我得一位，所以只能安排側邊係收銀嘅枱（都近住門口）；所以喺冷氣不足嘅情況之下，我係滴汗食住個焗意粉！本來諗住睇咗架步，試咗好唔好食先至會帶啲同事過嚟食；我諗都係要三思。可能入秋或者冬天嘅時候先至帶同事過嚟試吓啦，否則太熱焗親同事就唔好啦。其實出嚟食飯都預咗要洗啲錢，但係都希望係一個舒服嘅環境之下享受午餐。*PS. 如果下次再嚟嘅話想試埋個焗田螺。