潮味苑

Open Now

Now Closed

深水埗呢間潮味苑係當眼處，晚市時間都幾多人斬料返屋企，今晚同朋友嚟食吓先滷水鵝片呢味必須要點！滷水汁相當之香，鵝片份量都唔少，厚薄切得適中，食落有口感，肉質結實，重點索晒滷汁精華，好入味！底層仲有豆腐同大豆芽做配菜滷水拼盤 （細）細拼入面有好多款食物，滷水鵝、腩肉、豬耳、鵝腸、豬腸、墨魚、紅腸、雞蛋，底層有大豆芽同花生。款式真係包羅萬有，一個價錢食到咁多樣，性價比高。佢嘅滷水味道好濃，食物索晒滷水汁既精華，好好味椒鹽鮮魷新鮮熱辣炸起，外皮薄薄一層，炸到好香脆，魷魚爽口彈牙，呢度小菜真係唔錯！