旺囍車仔麵 (Closed)

好開心呀，原來旺角呢邊有車仔麵食。一行入去覺得佢嘅裝修好特別，見到唔同嘅車仔麵嘅餸，都會掛喺嗰個牆上面。就好有以前老街嘅感覺。淨係講個張餐牌，就已經見到佢係用好環保嘅方式，只係用支顏色筆剔一剔，又可以循環再用。我同朋友都好鍾意食炸魚皮，所以我哋都點左個炸魚皮食。好大碟，而且都幾脆口。我用來送左成碗面都未食完。之後我哋叫到成枱都係嘢食，有雞翼米線，伴少少通菜。量真係好多，有一下真係擔心自己食唔晒。啲雞翼好入味，的確用滷水汁浸過，而且成個碗有四隻，唔似出邊食車仔麵檔，最多只係比三隻。之後我哋仲叫咗生菜鮻魚肉湯，魚肉又唔會有些腥味，仲有好多生菜，平時喺出面好少食到咁大碗了。最後仲叫咗杯鮮豆漿，由於食到太熱所以我哋叫凍飲。佢整到好似台式飲品咁，有塊膠可以比飲管整串。出邊咁大塵都唔使驚啦，可以慢慢飲。