日日香鵝肉飯店 (黃埔新邨) (Closed)

行到黃埔想搵野食見到有鵝肉飯一於就試下入面裝飾係幾新派，好光亮會俾佢吸引到今次叫左兩份午餐金牌滷水鵝片瀨粉同埋滷水雙拼飯，豬手同埋豬大腸金牌滷水鵝片瀨粉師傅手勢好好，片到鵝肉片厚度適中仲有豆腐卜、蛋同埋甜嘅咸酸菜等但我就覺得味道岩岩好唔好太咸，出面好多係死咸食唔到鵝味滷水雙拼飯豬手同豬大腸都滷得幾入味但係“色“就唔夠喇所以就問左職員可唔可以俾多少少滷水汁原來醋旁邊嘅就係滷水汁一直都放左係眼前所以如果大家都係覺得唔滷水汁唔夠／滷水味唔夠就可以自己添加因為店家應該知道人人口味唔同所以刻意唔落太多“色“都係怕加太多太咸呢個安排幾好但係呢到杯奶茶就差少少茶底太苦反而凍檸茶就唔錯，幾好飲