滾得棧 (Closed)

邊爐控就算大熱天時都一樣要約朋友打邊爐啊！今次揀左滾得棧油麻地新開分店度聚腳，位置方便左好多！以往係天后同深井都比較隔涉，難約啲朋友，但依家唔同講法啦，係油麻地仲有咩藉口放我飛機先！一去到安排左個卡位，座位都舒服，岩晒同朋友傾成晚啦！湯底點左鴛鴦鍋，一邊係潮洲紫菜鍋，一邊係胡椒豬肚～湯底都足料又清甜，胡椒豬肚既胡椒味都無欺場，夠味好過癮！唔小得啲本地野！火鍋必食既牛頸脊啦，脂肪比例同紋路非常平均又靚，食落腍嫩牛香出！真係後悔無點多啲啊！仲有牛舌爽口都好吸引，雖然薄薄地但正正令佢口感剛剛好，一啲都唔韌！另外佢既韭菜餃都十分令人回味，一咬開係滿滿翠綠既韭菜，比例剛剛好，皮亦十分之薄！都點左啲海鮮，好似墨魚咀都好爽脆又新鮮！整體嚟講質素都同之前去其他分店一樣咁出色！下次會再嚟～