滾火鍋 (Closed)

深水埗好多特色小店,中意打邊爐既我黎左滾火鍋。一黎到就有酸梅汁。我叫左好多海鮮,D食材好新鮮,之前食蝦,有D HOTPOT店已經好新鮮,但我從未見過上蝦時D蝦仲MOVE緊,呢間係,真係有結實鮮甜呀D蝦,仲以為好貴,但個價錢都幾合理,因份量都多。我又叫左個鮑魚同象拔蚌刺身,鮑魚有特別既SAUCE,好味!兩款刺身都好彈牙。我仲叫左個脆鯇,薄片來的,好快就熟,好脆,正!仲有個黃金魚皮都好正!同平時係超市買果D好唔同,即炒的,D汁仲流緊,又係好正!加上價錢唔貴。覺得呢度既服務都幾好,侍應定時會幫我換碟,又會提下我邊D野食要點咩汁。呢度好多位都有電視,加上係卡位,唔洗同人迫。整體黎講環境都幾好,明明仲係深水埗但又唔覺得嘈雜。