洪記粥品 (將軍澳廣場)

Open Now

Now Closed

今晚去食，有枱唔叫入座，問樓面佢話係4人枱，點俾佢睇話有張2人枱，極唔想俾人座😡坐低叫咗個生滾豬膶粥，啲豬潤切得勁厚，心諗一定要浸入粥裏面耐啲，點知已浸咗好耐仲有血水滲出，心諗可能唔夠，於是再浸，見到冇血水就食，點知咬落去即刻吐，裏面仍然有血，用匙羹切開再浸都係紅色嘅，於是叫樓面睇，然後佢就攞入廚房，等咗一陣，佢竟然攞番同一碗粥話已經再滾過（我切開嘅細片仲係入面），嘩！心諗唔係嘛😒將人客食過嘅放番落煲滾，之後我真心唔覺得佢會洗煲囉，⬇️一位食生滾粥咪食人口水尾，認真唔衛生！之後我先生就再浸，點知都係紅色，又再叫樓面過嚟，同佢講，佢話公司指引有血水未熟，紅色係熟咗，你碗粥啲豬潤係熟過頭，叫我返去試煮，紅色係熟嘅😱全部豬潤煮熟只會變紅色，唔會係啡色，於是我揀咗件啡色俾佢睇，我話唔係叫佢退錢，只係叫佢因應客人需要煮熟，佢好似講極都唔明，最後我先生叫唔使講，碗粥唔敢食就走。服務態度差，等於幫公司倒米😡⋯⋯