稻埕飯店 (V Point) (Closed)

今日去咗稻埕飯店同屋企人食晚飯，呢一間餐廳可以話係最推薦比大家嘅餐廳之一👍🏻首先嚟咗前菜：話梅小山藥，話梅酸酸甜甜，淮山好爽口，兩碟都唔夠食😋白滷水九孔鮑魚亦都很彈牙，鮑魚下面亦都墊了一塊腐皮，非常特別。之後有蟹肉蛋白泡泡脆米金湯，打泡泡嘅口感入口軟淋淋，南瓜味亦都好香濃，加上蟹柳作為搭配，成碗湯非常之豐富😋主菜方面首先有鹽酥波士頓龍蝦脆角金瓜，入邊有秋葵、脆米、南瓜、龍蝦等等，全部都係脆卜卜，龍蝦亦都很容易脫肉，味道很不錯！跟住就係黑松露鮮百合花，感覺非常新鮮，食落嘅感覺就好似薯蓉咁，佢嘅味道香香甜甜再加上黑松露嘅香味，簡直係絕配😍鐵板香煎一口鵝肝牛小排熱辣辣，肉質鬆軟，鮮美多汁，絕對係我至愛❤️❤️❤️八斗子炒飯非常足料，飯粒粒分明，用咗蟹子、帶子、肉鬆等等去炒，最重要嘅係超大隻蝦，係味道定係賣相都好好！值得一提嘅係餐廳服務態度非常好，而且好有禮貌，招呼周到。餐廳佈置亦好適合打卡，好值得一試！