丸十あぶり牧場 (Closed)

星期日相約一班姐妹一齊去烤肉，因為沒有預約，早早晚上六時正就去拎位，唔洗等位就可以即時入座。因為入座時間比較早，職員安排咗一個卡位比我地，都坐得幾闊落舒服，而且冷氣開得足，雖然話食燒肉，但周圍油煙唔算多（當然最後走個陣都系有陣味，但都仲可以接受），用餐環境都算幾乾淨，加分！我地一行四人，叫左一個必勝燒肉二人套餐、特上和牛三文治、自家制明太子玉子燒、稀少部位和牛拼盤。總括而言，食物既味道都幾好，價錢就稍微偏貴，但都值得一試。就燒肉的品質而言，絕對系滿口油香，唯一美中不足就系肉味比較淡，對於口味比較重既人就需要自行加配料或醬汁增加風味了~必勝燒肉二人套餐（HKD680）套餐內容豐富，包括漬物、湯、沙拉、刺身、燒肉拼盤、鰻魚飯等等，分量十足。沙拉酸酸甜甜，非常清爽、開胃。三款刺身（甜蝦、三文魚、油甘魚），味道鮮甜。六款肉，味道都ok，都係果句，肉味唔夠。不過加翻啲醬汁調味都ok。特上和牛三文治（HKD158）一開始見到有啲失望，無圖片咁靚。不過食落都ok，和牛肉柔軟，加上酸甜醬汁，可以一試，但未去到驚艷。自家制明太子玉子燒（HKD58）稀少部位和牛拼盤（價錢忘記了）和牛三角位及眼肉蓋兩款稀少