蝦蝦燒

Open Now

Now Closed

任飲任食放題真係有好多選擇，而且又要有多款不同種類食材咁至吸引大家光顧，至於今次聚餐目標之一係食海鮮，就嚟到荃灣大鴻輝中心11樓蝦蝦燒品嚐晚餐，任食放題兩個半小時，當然最大賣點係呢度嘅海鮮檔，眼見有十多款海產類有魚同貝類等供應十足，唔少得坐位隔離長長魚缸放滿活生生嘅大頭蝦，任由大家自由捉蝦，慢慢享受氣氛十足，先取水桶攞冰同水，再放入生猛大頭蝦浸暈一陣，先至可以放落爐上燒，係呢個時候行去自助小食區，攞幾款前菜同熟食品嚐一下，拍青瓜、泰式鳳爪，咖喱魚蛋、辣酒煮螺等食住開胃一下跟住大頭蝦亦燒熟，食到每啖鮮嫩彈牙肉質同蝦膏鮮味十足，大頭蝦食完再捉又再燒過輪到食海鮮有我最喜歡嘅扇貝、帶子同鮑魚，一邊燒一邊落埋牛油同蒜蓉燒得份外入味，而且又係任食可以滿足晒食慾仲有每人限定一串鱔片，入口肉質肥美飽滿皮脆可口有驚喜食完一輪海鮮後仲未完啦，另外自助區內提供50多款口味串燒，有牛肋骨、雞肉串、菠蘿、漢堡扒、腸仔、咖喱魷魚同多士等等慢慢嘆，食串燒一定要落埋呢度提供4款調味粉，咁樣食先夠惹味最後係甜品雪糕出場時間，食埋幾杯雪糕又品嚐完一餐豐富嘅任食海鮮超值放題。