Video
Read full review
2017-02-01
11454 views
近年喺韓劇嘅效應下，滿城都開咗好多韓燒餐廳。正所謂貴有貴食，平有平食，想好似M佬咁大大食嘅就要去食韓燒放題喇！不過，坊間好多韓燒放題嘅質素都比較參差，而今次A姐M佬就收到粉絲報料，話呢間金甲韓國料理有過百款選擇，而且質素都唔錯，好啦，我哋一於聽你話去試試啦！平時我哋好少去旺角食飯，除咗怕人多，仲好驚餐廳位置逼劫，坐多陣都唔舒服。不過，金甲每張枱嘅空間位置都好闊落，而放嘢食嘅地方都唔少，除咗燒烤類之外、仲有唔同嘅熟食、小食、刺身壽司、水果同甜品。夾夾埋埋都有超過100款嘢食，A姐見到咁多選擇都已經流哂口水喇！前菜方面：有醃芽菜、泡菜、中華沙律等等。而涼伴青瓜就最爽口，真係夠哂醒胃！話明嚟韓燒，主打一定係燒烤類啦，肉食朋友啱哂：有和風一口牛、厚切五花腩、極上牛肋骨、蔥油牛胸腹、金菇牛肉卷、肥牛、雞翼、雞肉、五花腩、䕶心肉、豬扒、多春魚、墨魚仔、魷魚鬚、魷魚、鴨胸、紅腸、蝦、青口、龍脷、雞肶菇、洋蔥、茄子等等！各種肉類都醃得好好味，而我A姐就話識食梗係食護心肉（係豬嘅橫膈膜同肝之間嘅肉，每隻豬只得200-300克）！因為矜貴，所以平時出面食一份好貴架，而喺金甲竟然係任食喎！食落去好有咬口，豬
平時我哋好少去旺角食飯，除咗怕人多，仲好驚餐廳位置逼劫，坐多陣都唔舒服。不過，金甲每張枱嘅空間位置都好闊落，而放嘢食嘅地方都唔少，除咗燒烤類之外、仲有唔同嘅熟食、小食、刺身壽司、水果同甜品。夾夾埋埋都有超過100款嘢食，A姐見到咁多選擇都已經流哂口水喇！
前菜方面：有醃芽菜、泡菜、中華沙律等等。而涼伴青瓜就最爽口，真係夠哂醒胃！話明嚟韓燒，主打一定係燒烤類啦，肉食朋友啱哂：有和風一口牛、厚切五花腩、極上牛肋骨、蔥油牛胸腹、金菇牛肉卷、肥牛、雞翼、雞肉、五花腩、䕶心肉、豬扒、多春魚、墨魚仔、魷魚鬚、魷魚、鴨胸、紅腸、蝦、青口、龍脷、雞肶菇、洋蔥、茄子等等！
各種肉類都醃得好好味，而我A姐就話識食梗係食護心肉（係豬嘅橫膈膜同肝之間嘅肉，每隻豬只得200-300克）！因為矜貴，所以平時出面食一份好貴架，而喺金甲竟然係任食喎！食落去好有咬口，豬肉味好濃郁！真係食多幾舊都已經值回票價喇！
而最令我哋驚喜嘅反而係佢個麵豉醬！因為絕大部份嘅任食場，只係得豉油，而金甲就有埋麵豉醬，簡簡單單但就感覺到佢嘅細心！
而燒烤食到飽飽，所以熟食類都唔係我哋今次嘅重點！不過，三文魚刺身係M佬最愛，佢話夠哂新鮮架！
而甜品同飲品選擇都唔少！我哋覺得以呢個價錢嚟講，整體質素都算唔錯！身為大胃王就要嚟試試喇！優惠時段 - 5pm入座，7pm前結賬離座
成人$158（原價$188）
小童$128（原價$138）
晚市 - 9:30pm前入座，無限時任食
成人$188（原價$208）
小童$148（原價$168）
特別場 - 9:30pm後入座，無限時任食
成人$168（原價$188）
小童$138（原價$158）
宵夜- 11pm-1am
成人$138（原價$158)
小童$108（原價$128）
*逢星期五、六、日、公眾假期及假期前夕，每位另加$10附加費
Post
