漁樂鍋 (Closed)

今日同朋友去左佢屋企附近間火鍋店食野，7:00未到見到得返一張枱，好彩無留比客，超幸運的我們~叫左雞煲，但係好肚餓既關係，一食得就掛住食完全唔記得影相。雞煲個汁好香，少少辣令到味道更加昇華。牛根，幾大兜，但係就稍為細舊，煮完唔係咁易搵返。手切安格斯肥牛，貴野梗係唔同啲，煮完幾淋，好重牛味。炸魚蛋，係即食的，好少食即炸魚蛋，黎到非常香，新鮮炸起特別好味，而且魚肉又好彈牙！美國肥牛，食完貴野唔夠口，叫左普通肥牛食，一分錢一分貨吧，不過起碼佢唔係比"街保"貨你。黑毛豬梅頭肉，可能切得薄既關係，完全唔韌，仲有少少爽口。另外仲叫左啲菜同菇，響鈴一啲都唔伏，食得過。